Rhuba oku lunda lw’eby’Ebiblia ederhere oku bilolere obuhya n’okushanda. Mungu ahiraga h’obuhya yi buba buguma bugenderere ahakagarhi k’omulume n’omukazi. Empanvu nguma yonyine Ebiblia eyemerere yakashanduza obuhya buli bugonyi.—Matayo 19:5,6,9.

Nechi, Kugerera mu njira zinene:

• Ebirhunakula. Byoshi rhunakula bizigana kuba mw’emyazi yakakomeza obunyumpa, chiro n’obukala bushushire nka hoshaho burhakachigalikana. Omufano olole emyazi “Ogenderere Kukenga Echilagane Wajiraga omu Buhya Bwawe,” “Okuntu Bikuhemere Obabalire,” na “Oshub’Oyumbake Okulangalirana omu Bunyumpa Bwawe.”

• Embuganano. Rhunaganira oku mahano m’Ebiblia m’okukolesa omu bunyumpa. Rhunajirantyo oku mbugananano z’echibaga, n’oku mbuganano zikulu.

• Abashamuka. Abashamuka b’echibaga banaha abashabene amahano ma bowe bonyine omu kuyerekeza obwenge bwabo oku mandiko nka Waefeso 5:22-25.

Nanga. Chiro n’amango abashamuka bamahemwa oku barhabale omulume n’omukazi oku bibazo by’obunyumpa bikomere, barhaherhe oruhusa l’okubabwira mpu ntya ku mujirage. (Wagalatia 6:5) Nka byamagera ok’omuntu amachishoga kushanda obuhya buzira mpanvu eyemererwe n’Ebiblia, ahola amandiko marhamuhere obuhuru b’okushabana n’owindi.—1 Timoteo 3:1, 5, 12.

Ebiblia ehirire murhima abali omu bunyumpa bachihangane kubera haguma chiro baba bagwerhe ebibazo bikomere. (1 Wakorinto 7:10-16) Bibazo binene byakabonerwa obufumu omu kusalira n’omurhima goshi, okukolesa amakanuni m’Ebiblia, n’okuyerekana obuzigire.—1 Wakorinto 13:4-8; Wagalatia 5:22.

Aliko chiro akaba ntyo, omu hali zivire zakabya zili nk’ezila zikulikire ho, Bakristu baguma bachishogere okulekana n’owabo bashabanaga naye:

• Okulahira kuhahira omulala.—1 Timoteo 5:8.

• Okuhanyagaza omubiri g’owindi.—Zaburi 11:5.

• Okulahirirwa hoshaho-hoshaho akalamo k‘ekiroho. Omufano, nk’Omuhamirizi wa Yehova amasezwa oku avune amarhegeko ma Mungu mu njira nguma, akabona ok’okulekana y’onyine njira “y’okukenga Mungu kulusha abantu.”—Matendo 5:29.