LISA * aderhere ntya: “Obwinja bwa bene-berhu na bali-berhu b’obwampumaga oku murhima bwenene.” Aliri ashambala oku ch’amushunikaga ayemere okuli. Echola chechashunikaga Anne naye, aliderhere: “Echanshunikaga bwenene nyemere okuli, buli bwinja bunene Abahamirizi balinyerekere, s’arhali enyigirizo zabo.” Abo bali-berhu bombi bakala basimire kusoma Ebiblia n’okuyikengerako. Aliko obwinja b’obwalibahumireko bwenene.

Nka gurhe rhwakayerekana obwinja bwakaheba omurhima abantu rhulamire haguma nabo? Leka rhuganire ku njira ebiri: kugerera ebinwa n’ebijiro byerhu. Buzinda, rhwalola bande rhwakayereka obwinja.

Omukazi mwinja oderherwe omu Mezali sura 31 agwerhe “esheriya y’obwinja oku lulimi lwagwe. (Mez. 31:26) Anamenya bichi eyola “sheriya” ederhere oku bilolere bichi akaderha na nka gurhe akabiderha. B’eshe wabana nabo bakwanene kugwarha eyola “sheriya” oku lulimi lwabo. Bazere banene bamenyere oku okukolesa ebinwa bikalihire kwakalerha engaruka zirhali zinja oku bana babo. Amango abazere bali baderha n’abana babo oku bwinja, n’ahola byanayorohera abana babo kubarhega amarhwiri n’okubakenga.

Akaba oli muzere changwa nanga, nka gurhe wakayiga kukolesa olulimi lwawe oku bwinja? Hali echintu rhwabona omu chigabi ch’oburhanzi cha Mezali 31:26: “Anafungula obunu bwage oku bwengehe.” Ebyola biheberwemo oku chishoga ebinwa byerhu n’omulenge rhwakolesa oku bwengehe. Kwakaba kwinja oku chibaza ntya, ‘Ebila nkala kuderha ka byaluza ubuhaka, changwa byarhuma haba omurhula?’ (Mez. 15:1) Nechi, bili by’obwengehe kurhanga waza embere rhuderhe.

Ogwindi mugani guderhere ntya: “Ebinwa omuntu anaderha buzira kuwaza bili nka kuchumirhwa engorho.” (Mez. 12:18) Amango rhwamawaza nka gurhe ebinwa byerhu n’omulenge rhuli rwakolesa byakahuma oku bandi, charhushunika rhuyinje rhwarhanga kuwaza embere rhuderhe. Nechi, rhukakolesa “esheriya y’obwinja” amango rhuli rhwaderha kwa rhurhabala rhumenye rhwaderha ebinwa bibihire bilimo obukali. (Efe. 4:31, 32) Rhwahindamula amawazo n’ebinwa bibihire, rhwanaderha ebinwa binja n’omulenge gushagalukire. Oku bilolere echola Yehova alihanire omufano amango ahebaga omurhima omukozi wage Eliya waliyubahire. Malayika wa Yehova aderha “n’omulenge gurhulerere, gw’eshishi.” (1 Fa. 19:12) Aliko, okuba muntu mwinja bihemere ebirhalukire oku derha ebinwa binja. Kandi rhukwanene kukola ebijiro by’obwinja. Nkagurhe?

Rhunayiganya Yehova amango rhuli rhwaderha ebinwa binja n’okukola ebijiro binja. (Efe. 4:32; 5:1, 2) Lisa, rhwashambalako burhanzi, adehere oku bilolere obwinja Abahamirizi ba Yehova bayerekanaga. Aderhere ntya: “Amango omulala gwerhu gusezwa guhame juba- juba, milala ebiri y’omuchibaga yahema ekonje oku kasi mpu yibayinja kurhugwasa kushana ebintu. Amo mango, ntaliza hwanza chiro kuyiga Ebiblia!” Ebyola bijiro by’obwinja byashunika Lisa arhole akasanzi k’okugerereza bwinja ebilolere okuli.

 Anne, rhwashambalagako burhanzi, naye alisimisizwe n’ebijiro by’obwinja by’Abahamirizi ba Yehova. Aderhere: “Bulala okuntu abantu bali mulino gulu zene, nalingwehe engangane bwenene. Byalikomeere oku nchizere omuntu.” Agenderere ntya: “Amango mbuganana n’Abahamirizi, Nabo ntali banihire. Naliri nachibaza, ‘Bula gurhe bandagire ko ntya?’ Aliko obwinja bw’okuli mwalimu wani w’Ebiblia aliri anyereka bwarhuma namunihira.” Gurhe byayinjire kuba, Nahwanza kuseza obwenge oku bintu naliri nayiga.”

Oyibuke oku Lisa na Anne balihumirwe oku murhima bwenene n’ebijiro by’obwinja abantu b’omuchibaga babajiriraga, n’ebyola byabarhabala balonze kuyiga okuli. Ebijiro by’obwinja bayerekerwe n’abomuchibaga byabarhabere barhangire kunihira Yehova n’abantu bage.

Kurhengana n’okuntu bantu baguma balembwaga changwa aha bakuliraga binabarhabala baderhe ebinwa binja n’okumwemwesa haguma n’abandi. Bili binja okubona bantu  baguma banashunikwa bayerekane obukenge eju y’emicho n’oborhere bwabo. Aliko akaba rhwashunikirwe n’emicho y’emwerhu konyine changwa obworhere bwerhu, rhurhakaba eyi rhuli rhwayiganya obwinja burhengere emwa Mungu.​—Huzanya na Matendo 28:2.

Obwinja b’okuli burhengere emwa Mungu chili chigabi ch’etunda ly’eroho lichesibwa lya Mungu. (Gal. 5:22, 23) K’okuderha oku rhukenere oburhabale bw’eroho lichesibwa lya Mungu yirhuyerekanaobwinja b’okuli. Rhukajira ntyo rhwagala kuyiganya Yehova na Yesu. Kandi, rhwabo nka Bakristu rhugwerhe akasi k’okukolera abandi. Aliko, rhunashunikwa n’obuzigire rhugwerhe ku Yehova Mungu n’obu rhugwerhe oku bandi bantu. Nahola obwinja bwerhu bwanaba ngeso ekomere enarhengere oku murhima enayemererwe na Yehova.

Byakarhuyorohera kuyereka obwinja omuntu warhukolere oku bwinja changwa abantu rhumenyere. (2 Sa. 2:6) Rhwakajira ntyo omu kubabwira koko. (Kol. 3:15) Aliko si gurhe byakaba amango rhuli rhwawaza oku muntu mulebe arhali kwanene kukolerwa echijiro ch’obwinja?

Waza kwechi: Yehova arhulekere omufano gwinja bwenene oku bilolere okuyerekana olukogo lurhakwanenwe, n’Echinwa chiyandikire chirhyugirize echintu chakamaro oku bilolere eyola ngeso. Echinwa “olukogo lurhakwanenwe” chakolesezwe kanene omu Mandiko me Chigiriki me Chikristu. Gurhe Mungu arhuyerekere obwinja?

Yehova ayerekere abantu boshi balamire obwinja omu kubahereza byoshi bakenere mpu yi bagenderera kulama. (Mt. 5:45) Kweri, chiro nembere rhumenye Yehova abaga arhuyereke obwinja bwage. (Efe. 2:4, 5, 8) Omufano, ahaanire echinja kulusha, Omugala w’echinege, amuhana oku bantu boshi. Entumwa Paulo ayandikire oku Yehova ahanire enchungu “nk’oku achirire omu lukogo lwage lurhakwanenwe.” (Efe. 1:7) Kandi, chiro akaba oku rhunagoseza Yehova n’okumubabaza, anagenderera kurhuyerekeza n’okurhuyigiriza. Ebyanarhuyigiriza n’ebinwa anarhubwira bili nka “nvula y’amanyanyaga.” (Kum. 32:2) Rhurhakagala kumulipa oku byoshi arhujirire n’obwinja arhuyerekere. Kandi rhumenyere oku nka Yehova arharhuyerekaga olukogo lurhakwanenwe, singa rhurhagwerhe obulangalire bw’amango mayinjire.​—Huzanya na 1 Petro 1:13.

Buzira ngangane, obwinja bwa Yehova buli bwarhushunika n’okurhuheba omurhima. Nahola, ahali h’okuyereka abantu baguma obwinja, rhukwanene kuyiganya Yehova omu kuyereka abandi obwinja buli lusiku. (1 Te. 5:15) Amango rhuli rwayerekana obwinja olusiku oku lwindi, rhwanaba nka muliro gukolerere ahantu hali emboho. Rhwanaba chirhulirizo oku bantu b’omulala gwerhu, aberhu Bakristu, aba rhunakola nabo, abarhunasoma haguma, n’abalungwe berhu.

Waza kubala b’omulala gwawe changwa ab’omuchibaga chawe bakayunguka kugerera ebinwa changwewa ebijiro byawe. Hakaba eyi hali omuntu w’omuchibaga chawe okenere oburhabale nkabaga b’okukwiza enju yage n’obusitani bwage changwa oburhabale bwa buli mango nk’okuja kugula ebintu omu soko. Kandi, amango wamabugana n’omuntu omu mahubiri okenere oburhabale, ka wakahana oburhabale akenere?

Omu kuyiganya Yehova, ebinwa byerhu n’ebijiro byerhu bijage byarhambulwa “n’esheriya y’obwinja.”