Byachigerere kukukomerera kuyibuka ebi wayigire si? Ebyola bizigana kurhuhikira rhweshi. Bichi byakakurhabala? Kuli kugalukira amawazo makulu.

Amango oli wayiga, wakaba nka wahumuka bugeke omu kushuba kugalukira amawazo makulu. Tala eby’entumwa Paulo abwirire bene-berhu na bali-berhu bakwanene kujira amango bali basoma amaruba mage. Aderhere ntya: “Bobola ewazo likulu ly’elila.” (Ebr. 8:1) Okujira ntyo kwabarhabala bayunve bichi alonzaga kuderha n’okuntu amawazo mage moshi malipatene.

Wakachihebera h’akasanzi, nkabaga miniti ekumi buli buzinda bw’efunzo lyawe y’okukengera oku mawazo makulu m’ebiwayigire. Akaba orhachiyibukire amawazo makulu, okushuba kulola ebigabi bikulu changwa okusoma omustari g’oburhanzi gwa buli chifungo, byakurhabala oshube oyibuke. Akaba wayigire ebintu bihyahya obe nka wabiderha omu byawe byawe binwa. Okushuba galukira amawazo makulu, kurhakurhabala konyine kumabika omubwenge, s’aliko wabona bwinja bwinja na gurhe wakamakolesa omu kalamo kawe.