Olonzeze kuyiga binene omu funzo lyawe lyawe si? Obula bwerekezi bwakakurhabala ogale kuseza obwenge amango oli wayiga:

• Olonze efasi nyinja. Akaba byakagalikana, olonze efasi nyinja enarhulerere. Wakayikala oku chichumbi ahambuga, changwa oku fasi nyinja ekwanene.

• Olonze efasi erhulerere. Yesu aliri achishoga kusalira “esezi sezi bwenene” omu “fasi erhulerere.” (Mk. 1:35) Akaba orhakapata ahantu henja h’okuyigira, obwire abantu b’omulala gwawe changwa ab’olamire nabo ngahe waja kuyigira n’okubabwira bamenye bajira olwamo omu kasanzi oli wayiga.

• Olekane n’ebyakakuhugisa. Akaba wakolesa etelefone changwa etablete amango m’okuyiga, ojire okuntu erhakuhugisaga changwa ohebe e mode avion. N’akaba hali ebintu oli wawaza okwanene kujira, obiyandike eburhambi omukuntu oyinje kubikola enyuma w’okuyiga. Akaba byakukomerere kuchiseza oku by’oli wayiga, orhange ohumuke, olambagire changwa ochinanule.