Amango rhuli rhwachirheganya kuyiga rhukwanene kuchibaza ntya: ‘Bichi rhulozeze kuyiga?’ Aliko rhukwanene kuyibuka, oku chiro akaba rhulonzeze kuyiga chintu chilebe, echola chirhaderhere oku nta chintu chihyahya Yehova alonzeze rhuyige. Gurhe rhwakayunviriza ebi Yehova ali achihangana kurhuyugiriza?

Osalire omu kumuhema obwengehe. Oheme Yehova akurhabale kuyunva eby’alonzenze oyige mw’akola kasanzi. (Yak. 1:5) Omenye wakatosheka konyine n’ebyokala omenyere.​—Mez. 3:5, 6.

Oleke emisi ye Chinwa cha Mungu ejire echiyakola omu kalamo kawe. “Echinwa cha Mungu chilamire.” (Ebr. 4:12) Bobola, buli mango rhwamasoma Ebiblia, yakarhuyigiriza chintu chilebe chihyahya chakarhurhabala mu njira zilengene omu kalamo kerhu. Aliko, byakaba ntyo nka rhumenyere oku bihemere rhuyige ebi Mungu ali arhuyigiriza.

Oyerekane eshukrani ku byoshi Yehova y’akolesa omu kukuyigiriza. Ebilyo byage by’ekiroho bili nka “fete eli kw’ebilyo bikwirire bwenene.” (Isa. 25:6) Omenye wakaleka kusoma emyazi omu kuwaza mpu orhakafa wasimire kuyiyiga. Okajira ntyo waba eyi wamaha Mungu orozo l’okukurhabala kuba muntu mwinja bwenene, wanagenderera kusimiswa n’okuyiga!