Bachibwenere Obuzigire omu Bijiro
YOMARA na bene-babo k’okuderha—Marcelo na Hiver—balamire omu vilage ngeke y’omu Guatemala. Yomara ahwanzaga kuyiga e Biblia haguma n’Abahamizi ba Yehova, buzinda abola bene-babo nabo bahwanza kuyiga. Aliko haliri echibazo. Boshi oku bali basharhu baliri mpumi, barhanaliyinji kusoma amandiko m’empumi (braille). Bobola, Omwalimu wabo we Biblia aliri abarhabala kusoma ebifungo n’amandiko malimo.
Kandi byali bakomerere kukulikira embuganano z’echibaga. Bowe bonyine barhakagalire kulambagira miniti 40 yibahika oku Chumbi ly’Obwami lyaliri hofi n’ahamwabo. Aliko echibaga chabarhabere bagende bahika oku mbuganano zoshi. Amango barhondera kuhabwa engabane z’okugeza ebipindi omu chibaga, bene-berhu na bali-berhu baliri babarhabala kufarha omu rhwe ebi baderha oku ngabane yabo.
Omu Mwezi gwa 5, 2019 embuganano z’echibaga zarhondera jirika omu village yabo. Mw’agola mango, mwene-werhu muguma na mukage bali ba payiniya b’okukahunda bahamira mw’eyola vilaje. Barhola omuhigo k’okuyigiriza ezola mpumi esharhu kusoma n’okuyandika amandiko m’empuni, chiro akaba oku oyola mwene-werhu na mukage barhalimenyere gurhe bakajira ntyo. Bobola bajakugula omu bibliyoteke ebitabu biderhere oku bilolere amandiko m’empumi, yibamenya gurhe bakayigiriza abandi kubikolesa.
Marcelo ali ahaana echishubizo oku mbuganano y’echibaga
Enyuma wa myezi migeke, ezola mpumi esharhu zagala kusoma amola mandiko m’empumi buzira chibazo, n’echola chabarhabere bwenene kujira amajambere m’ekiroho. a Kugera buno Yomara, Marcelo, haguma na Hiver bali bakola nka ba payinia b’okukahunda. Marcelo ali akola nka mugwasi wakasi. Omu boso lyoshi banaba eyi bagwerhe binene byokukola omu kasi ka Yehova. Obushiru bwabo omu kukolera Yehova bwarhabere abandi baturene nabo, n’abo bagwarhe obushiru buli nkobola.
Ezola mpumi esharhu zigwerhe eshukrani oku burhabale busiimisize bwe chibaga. Yamara aderha ntya: “Olusiku lurhanzi rhwabuganaga n’Abahamirizi ba Yehova bali rhuyerekere obuzigire b’okuli. Rhugwerhe abera benja omu chibaga cherhu, kandi Marcelo ayongerere oku rhuli chigabi ch’omulala gwa bene-berhu bali berhu b’omu gulu lyoshi bagwerhe obuzigire n’obuguma.” Yomara na bene-babo yibalingiriza oku nyorha olusiku egulu nji lyahindamulwa n’okuba paradizo.—Zb. 37:10, 11; Isa. 35:5.
a Ebronchire eyirikirwe “Ujifunze Kusoma Maandishi ya Vipofu” (Oyige Kusoma Amandiko m’Empumi) yakolerwe ye rhabala empumi changwa abantu barhabona bwinja bagale kusoma n’okuyandika bwinja amandiko m’empumi.
