Malebi maguma mali m’ogula muchoro mafasiriye ebintu bili byajirika chaligumira. Mayerekene omu njira zinene oku rhulamire omu “chihe ch’obuzinda.”​—Da. 12:4.

• Amandiko Ufu. 11:7; 12:13, 17; 13:1-8, 12

  Obulebi “Echinya-lubala” charhegeka egulu oku bihumbi by’emyaka. Omu siku z’obuzinda, erhwe lya mushanvu nji lya koromeswa. Oku buzinda, elyola rhwe lyafuma “n’egulu lyoshi” lyakulikira echola chinya-lubala. Shetani y’akolesa echola chinya-lubala omu “kulibuza balala bayorhere.”

  Okuyenera k’obulebi Enyuma y’envula y’echonzi, amarhegesi m’abantu bashombere Yehova marhondera kurhegeka egulu. Enyuma w’amagana m’emyaka, amango me Vita Lirhanzi lye Gulu lyoshi, Oburhegesi bwe Angletere bwava bwa hola loshi-loshi. Bwashuba kubonekana amango bwachihiraga haguma ne États-Unis. Omu chihe chizinda, Shetani akolesa amarhegesi moshi m’egulu omu kulibuza abantu ba Mungu.

• Amandiko Da. 11:25-45

  Obulebi Omu chihe chizinda, omwami w’enono n’omwami w’eside bahangana.

  Okuyenera k’obulebi Alemanye yalwa haguma n’oburhegesi bwe Angletere ne Amerike. Omu mwaka gwa 1945 Echinya-buguma che Soviyeti haguma n’abamuli omu kuboko chaba mwami w’enoro. Omu 1991, Echinya-buguma che Soviyeti chahena, n’enyuma w’esiku, Erisi n’abera bayo baba mwami w’enoro.

• Amandiko Isa. 61:1; Mal. 3:1; Lu 4:18

  Obulebi Yehova arhuma “omurhumwa” wage omu “kukwiza enjira” embere Obwami bwa Masiya bushimikwe. Echola chigusho yichafasiriya omu “kuderha emyazi minja oku berhonzi.”

  Okuyenera k’obulebi Kurhenga omu mwaka gwa 1870 kugenderera, Charles Taze Russell n’ababo, bakola haguma n’omwete omu kufasiriya obukweri bwe Biblia. Omu myaka ya 1880, barhondera kuyerekana oku abakozi ba Mungu bakwanene bahubiri. Bachapisa ebichapo nka “Wahubiri 1 000 Wanahitajiwa” na “Mumetiwa Mafuta ili Kuhubiri.”

• Amandiko Mt. 13:24-30, 36-43

  Obulebi Omushombanyi abyala omusihe omu shwa ly’engano, gwalekwa gukule haguma n’okubisha engano kugera amango g’okushalula; na ntyo, omusihe n’engano byakulwa haguma.

  Okuyenera k’obulebi Kurhenga omu mwaka gwa 1800 kugenderera, abakristu b’okuli barhondera kuchikula oku bakristu b’obubeshi. Omu chihe chizinda, abakristu b’okuli bachigusha haguma omu bibaga, banachikula haguma n’abakristu b’obubeshi.

• Amandiko Da. 2:31-33, 41-43

  Obulebi Ebishando by’echuma n’ebumba by’echishushanyo chikolerwe n’ebyuma kamama.

  Okuyenera k’obulebi Ebumba liyerekene echigusho ch’abantu kamama banapinga Oburhegesi bw’Egulu Lyoshi bwe Amerike ne Angletere. Obupinzani bw’abola bantu bunapunguza obuhashe b’obola burhegesi bukulu b’okukola n’emisi nka chuma.

• Amandiko Mt. 13:30; 24:14, 45; 28:19, 20

  Obulebi “Engano” za magushwa omu “nguli” “n’omuja mwimana onakengukire” amashimikwa ayumangire “abantu b’omu nju ya Yesu.” Akasi k’okuhubiri “omwazi gwinja g’Obwami” kamarhonderwa kukolwa oku “gulu lyoshi lilamirweko.”

  Okuyenera k’obulebi Omu mwaka gwa 1919, omuja mwimana onakengukire ashimikwa ayumangire abantu ba Mungu. Kurhenga mu echola chihe kugenderera, Abanafunzi be Biblia bagendereza akasi kabo k’okuhubiri. Zene, Abahamirizi ba Yehova yi bahubibiri mu bihugo birhalwise 200 n’oku chapisa ebitabu biyimangire oku Biblia mu ndimi zirhalwise 1 000.

• Amandiko Da. 12:11; Ufu. 13:11, 14, 15

  Obulebi Echinya-lubala cha mahembi mabiri ch’echaba ch’embere omu kukola “echishushanyo ch’echinya-lubala” n’okuha “omuka oku chishushanyo.”

  Okuyenera k’obulebi Oburhegesi Bukulu bw’Egulu lyoshi bwe Amerike ne Angletere b’obwaliri embere omu kukola Omubano gw’Amashanja. Olola lubaga lwalirhaberwe n’amandi mashanja. Byakashobokana oku omwami w’enoro alijire m’ogola Mubano kurhangira omu mwaka gwa 1926 kugera 1933. Kuguma n’Obuguma bw’Amashanja [ONU] bwakulikiraga ho, Omubano gw’Amashanja gwahabwa obukuze bukwanene Obwami bwa Mungu.

• Amandiko Da. 8:23, 24

  Obulebi Omwami okalihire bwenene alerha “obuhanya omu bulyo busomeze bwenene.”

  Okuyenera k’obulebi Oburhegesi Bukulu bw’Egulu lyoshi bwe Agletere ne Amerike bwa yirha bantu banene n’okuharabisa binene. Omufano, oku Vita lya kabiri ly’Egulu lyoshi, Etats-Unies yalimbula binene nk’okubirhasaga kuba omu kulikiza omushombanyi wage bombe ebiri.

• Amandiko Da. 11:31; Ufu. 17:3, 7-11

  Obulebi “Echinya-lubala ch’omuduku” cha mahembi ekumi yichashona kurhenga omu abiso chinali mwami wa munane. Echitabu cha Daniyeli chiderhere oyola mwami nka “chintu chishologwese ch’okulerha entambule.”

  Okuyenera k’obulebi Oku Vita lya kabiri ly’Egulu lyoshi, Omubano gw’Amashanja gwa hena. Enyuma w’elyola vita, Obuguma bw’Amashanja “bwachigombola.” Bwanahabwa obukuze bukwanene Obwami bwa Mungu. Obuguma bw’Amashanja nji bwarhera edini.

• Amandiko 1 Te. 5:3; Ufu. 17:16

  Obulebi Amashanja ma matangaza “omurhula n’obubegere”, n’amahembi kumi haguma n’echinya-lubala” byamarhera “embaraga” n’okuyilimbula. Enyuma w’ahola, amashanja namo manalimbulwa.

  Okuyenera k’obulebi Hali oku amashanja nji makachihala oku malerhere omurhula n’obubegere oku gulu. Ebihugo bikolere Obuguma bw’Amashanja byamalimbula ebigusho by’amadini m’obubeshi. Echola chanalerha okuhwanza kw’amalibuko makulu. Amala malibuko nji mahwa amango m’okuharabiswa kw’emigendere y’elila gulu oku armagedoni.

• Amandiko Eze. 38:11, 14-17; Mt. 24:31

  Obulebi Gogu amahumbikirira omu chihugo ch’abantu ba Mungu. N’ahola, ba malaika banagusha “abachishogerwe”.

  Okuyenera k’obulebi omwami w’enoro n’amandi marhegesi moshi, mamarhera abantu ba Mungu. Siku zigeke echola chirhero chimalire kuhwanza abashigwa bayorhere bamagushwa omu mbingu.

• Amandiko Eze. 38:18-23; Da. 2:34, 35, 44, 45; Ufu. 6:2; 16:14, 16; 17:14; 19:20

  Obulebi “Oyikere” oku “farasi y’omweru” yamaliriza “obuhimanyi bwage” omu kuharabisa Gogu n’oburungu bwage. “Echinya-lubala” “chamakabulwa omu nyanja y’omuliro gukalihire” na “chilala chishushanyo chizibu-zibu chamahombolwa.

  Okuyenera k’obulebi Yesu, oli warhegeka obwami bwa Mungu amayinja kuvuna [kuyokola] abantu ba Mungu. Haguma n’ababo barhegesi 144 000 n’ebigusho bya ba malaika, inji aharabisa amashanja machihirire haguma, emigendere y’epolitike y’egulu lya Shetani.