Okuntu wakayunguka bwenene n’ezila somo ze Biblia
Oyige haguma n’omwalimu: Obwire omuntu okuhere eyila bronshire akuyigirize Ebiblia, changwa oheme efunzo oku site yerhu ye Enternete, jw.org.
ECHIGABI CH’OBURHANZI
Osome buli chifungo, ebibazo by’emyandiko mizibu-zibu (A) n’amandiko (B) mali mw’amawazo makulu. Omenye oku hali amandiko mahirirwe kw’echinwa “osome.”
ECHIGABI CHA KABIRI
Ebinwa by’oburhanzi (C) bili eshishi w’echigabi Humba Bwenene, bifasiriye amawazo makulikire. Engingo (D) ziyerekene ebyaganirirwa. Osome amandiko, oshubize oku bibazo, onalole evideo (E).
Osuzume efoto n’amafasiriyo mazo (F), onabe wawaza echiwakashubiza omu chigabi, Hali Abantu Banaderha (G).
ECHIGABI CH’OBUZINDA
Esomo lyayinja lyahwa n’echigabi Oku Bugeke na Rhuchiyibusye (H). Oyandike olusiku esomo lyahwere. Echigabi, Omuhigo (I) chikuhere ebiwaja wayorha wakola. Omu chigabi, Eyindi Myazi (J) muli emyazi wakasoma n’evideo wakalola akaba osimire.
Okuntu wakalonza olwandiko lwe Biblia
Amandiko maba mayerekenwe kugerera ezino ly’echitabu che Biblia (A), esura (B), n’omustari changwa emistari (C). Omufano, Yohana 17:3 eyerekene echitabu cha Yohana, sura ye 17, omustari gwa 3.
