SOMO lya 1
Nka Gurhe Ebiblia Yakakurhabala?
Rhweshi rhunachibaza ebibazo oku bilolere akalamo, amalibuko, olufu n’amango mayinjire. Rhuli rhwalwisa n’ebibazo bya buli lusiku omu kalamo, nka gurhe rhwabona ebi rhukeneere, changwa gurhe rhwakagwarha omulala guli m’obusime. Bantu banene babwene okwe Biblia erhabarhabalaga kubona ebishubizo oku bibazo bikulu by’akalamo konyine, s’ahubwe yabahere n’empanulo z’okukolesa buli lusiku omu kalamo. Owazize okwe Biblia yakarhabala buli muntu si?
1. Bibazo bihe biguma Ebiblia eshubizeko?
Ebiblia eshubize kw’ebila bibazo by’akamaro: Gurhe akalamo karhonderaga? Chirhumire rhuli oku gulu? Chirhuma abantu benja nabo balibuka? Gurhe binaba ey’omuntu afa? Akaba buli muntu asimire omurhula, chirhumire amavita maluga? Bichi nji byaba oku gulu amango mayinjire? Ebiblia erhuhirire omurhima rhulonze ebishubizo by’ebibazo bili nk’ebyo, n’ebishubizo byayo byasimisize amamiliyoni m’abantu.
2. Gurhe Ebiblia yakarhurhabala rhusiimire akalamo ka buli lusiku?
Ebiblia erhuhere empanulo zinja. Omufano, eyigirize emilala gurhe yakagwarha obusime b’okuli. Erhuhanwire gurhe rhwakajira amango rhuchiyunvirhe rhuhwererwe, na gurhe rhwakagwarha obusime omu kasi. Wamenya ebye Biblia eyigirize oku bili nk’ebyola, na bindi binene oku rhuli rhwagenderera kuganira kw’eyila myazi haguma. Wagerera aha wayemera oku “buli Lwandiko [buli chintu chili omu Biblia] luherhe . . . akamaro.”—2 Timoteo 3:16.
Chinola chitabu chirhagombwere Ebiblia. Ahubwe chikuhebere omurhima nawe ogerereze Ebiblia bwawe-bwawe. Che chirhumire rhukuhirire omurhima osome amandiko mayerekenwe mu buli somo, onamahuzanye n’eby’oli wayiga.
HUMBA BWENENE
Jagawalola gurhe Ebiblia yarhabere abantu, gurhe wakashagalukira okuyisoma, na bulagurhe bihemere okurhabalwa y’omuntu ayiyunva.
3. Ebiblia yakarhuyerekeza
Ebiblia eli nka toroshi ligwerhe mwengezi gunene. Yakarhurhabala rhurhole emihigo minja omu kalamo, yakanarhumenyesa ebyaba amango mayinjire.
Osome Zaburi 119:105, muje mwaganira kw’ebila bibazo:
-
Mawazo machi owayandikaga eyila zaburi aligwerhe oku bilolere Ebiblia?
-
Gurhe woyo onabona Ebiblia?
4. Ebiblia yakashubiza oku bibazo byerhu
Mukazi muguma alibwene okwe Biblia yalimushubize oku bibazo aliri achibaza mu myaka minene. Ziha EVIDEO, muje mwaganira kw’ebila bibazo.
-
Mw’eyila video, bibazo nyabachi oyula mukazi aliri achibaza?
-
Gurhe okuyiga Ebiblia kwalimurhabere?
Ebiblia erhuhebere omurhima rhukazibaza. Osome Matayo 7:7, muje mwaganira kw’echila chibazo:
-
Bibazo bihe onachibaza Ebiblia yakakushubizako?
5. Wakayunva osimire okusoma Ebiblia
Bantu banene banayunva obusime amango bali basoma Ebiblia, n’okujira ntyo kwabalerhere enyungu. Ziha EVIDEO, muje mwaganira kw’ebila bibazo.
-
Mw’eyila video, ahanene gurhe emisole enachiyunva amango bali basoma?
-
Chiro akaba oku barhasima kusoma, bulagurhe banaja basima okusoma Ebiblia yowe?
Ebiblia ederhere oku yakarhuha enyigirizo zakarhurhuliriza n’okurhuha obulangalire. Osome Waroma 15:4, muje mwaganira kw’echila chibazo:
-
Echila chilagane che Biblia ch’okurhurhuliriza n’okurhuha obulangalire, chikusimisize si?
6. Abandi bakarhurhabala kuyunva bwinja Ebiblia
Olekere okusoma Ebiblia omuntu yenyine, banene babwene oku kuli kwinja okuyemera owindi muntu abarhabale yi bayiyunva bwinja. Osome Matendo 8:26-31, muje mwaganira kw’echila chibazo:
-
Gurhe rhwakayunva bwinja Ebiblia?—Olole omustari gwa 30 n’ogwa 31.
Omulume w’omu Etiyopia alikeneere oburhabale y’ayunva bwinja amandiko. Bantu banene zene banabona oku kuli kwinja okuyemera owindi muntu abarhabale yi bayunva bwinja Ebiblia
HALI ABANTU BANADERHA: “Okuyiga Ebiblia kuli kuheza ebisanzi.”
-
Gurhe woyo obwene? Bulagurhe?
OKU BUGEKE
Ebiblia ehanire empanulo z’okukolesa omu kalamo ka buli lusiku, eshubize oku bibazo by’akamaro, enahere abantu echirhulirizo n’obulangalire.
Rhuchiyibusye
-
Mpanulo nyabachi rhwakapata omu Biblia?
-
Bibazo bihe biguma Ebiblia eshubizeko?
-
Bichi wakasima oyige omu Biblia?
EYINDI MYAZI
Lola gurhe empanulo ze Biblia zakarhurhabala zene.
“Enyigirizo ze Biblia Zili z’Akamaro Amango Moshi”(Omunara g’Omulanzi Ni. 1, 2018)
Lola gurhe Ebiblia yarhabalaga omulume waligwerhe burhe bunene kurhenga achili mwana.
Ogerereze empanulo Ebiblia ehanire oku bilolere akalamo k’omulala.
“Siri 12 z’Okugwarha Omulala Guli m’Obusime” (Amuka! Ni. 2, 2018)
Olole gurhe Ebiblia eyerekene bwinja obukweri oku wazo libi abantu bajira oku bilolere omurhegesi kanuni w’egulu.
