Bantu banene balekere okuja oku nyigirizo zabo z’edini, kwa bulala eyi bazijako barhabona ebishubizo bye bibazo byabo banachibaza omu kalamo barhanabona echirhulirizo. Aliko si, bulagurhe okwanene okuja oku mbuganano z’Abahamirizi ba Yehova? Bichi wakayunguka nk’ojire oku mbuganano zerhu?

Wagwarha obusime b’okuba ahakagarhi k’abantu bakuzigire bana kulagireko. Amango m’entumwa, abakristu baligushirwe omu bibaga. Baliri bajira Embuganano yi baharamya Mungu, yi bayiga amandiko n’okuhebana omurhima. (Waebrania 10:24, 25) Bulala baliri bayerekana obuzigire oku mbuganano, bakazaga chiyunva oku bali omu bera b’okuli, k’okuderha, bene babo na bali babo b’ekiroho. (2 Watesalonike 1:3; 3 Yohana 14) Nerhu rhunakulikira olwiganyo lwabo, n’okugwarha obusime kuguma nabo.

Wayiga okuntu wakakolesa amakanuni me Biblia omu kalamo kawe. Nk’okubyanaliri mira, abalume, abakazi n’abana boshi banabuganana haguma. Abalimu bakwanene, banakolesa Ebiblia yi barhurhabala rhumenye gurhe rhwakakolesa amakanuni me Biblia omu kalamo kerhu ka buli lusiku. (Kumbukumbu la Torati 31:12; Nehemia 8:8) Buli muntu akayimpa, n’okuhana ebishubizo oku mwazi guhemere ebishubizo. Omu kujira ntyo, rhwanayerekana obuyemere n’obulangalire bwerhu bw’echikristu.​—Waebrania 10:23.

Obwemere bwawe ku Mungu bwakomera. Entumwa Paulo yaliyandikire echibaga chiguma ch’amango mage ntya: “yinachifija bwenene oku babona . . . yi rhuhebana m’omurhima, buli muguma kugerera obuyemere b’owabo, obwenyu n’obwani.” (Waroma 1:11, 12) Oku buganana buli mango haguma n’abandi Bahamirizi ba Yehova, kunakomeza obuyemere bwerhu n’okurhurhabala rhuchihangane okukolesa amakanuni me Biblia omu kalamo kerhu.

Orhayunvirhe si ebyola bikushunikire okugera oku mbuganano zerhu y’ochibonera wenyine eyola migisho? Nji wayegerezwa bwinja! Rhurhahema efuranga, rhurhanahema esadaka.

• Lwiganyo luhe rhunakulikira omu kujira embuganano zerhu?

• Bichi rhunayunguka oku mbuganano zerhu?