Amandiko me Chigiriki me Chikristu maderhere bwenene Barnaba n’entumwa Paulo. Abola balume, baliri bemangizi b’omuzunguluko; baliri balambagirira ebibaga by’amango m’entumwa. Bulagurhe? Balihangayikire bwenene bene babo na bali babo, banalilonzeze bagwarhe oborhere bukwirire. Entumwa Paulo yaliderhere ntya: “Rhugaluke rhuje kulambagirira bene berhu” rhulole gurhe banali. Aliri juba-juba okujira olugenzi lulehere omu kuja kubakomeza. (Matendo 15:36) Ku n’abemangizi b’omuzunguluko banajira mu zinola siku.

Banayinja kurhuheba omurhima. Buli mwimangizi w’omunzunguluko analambagirira bibaga 20 changwa kurhalusa. Analambagirira buli chibaga kabiri omu mwaka anageza boso liguma mu buli chibaga. Rwakayunguka bwenene oku bumenyi bwabo, n’obw’abakabo akaba bashabire. Banachihangana okumenya bwinja emisole n’abantu bakola bakulire; banasima okurhuherekeza omu kasi k’amahubiri n’ak’okurongoza amafunzo merhu me Biblia. Abola bemangizi banakola akasi k’obungeri haguma n’abashamuka, banakomeza obwemere bwerhu amango bali bageza amajambo g’okurhuheba omurhima oku mbuganano n’oku mbuganano z’omuzunguluko changwa z’eneo.​—Matendo 15:35.

Banahangayikira buli muguma werhu. Abemangizi b’omuzunguluko banarhabala abantu b’omu chibaga bagwarhe obwira bukwirire haguma na Yehova. Banajira embuganano n’abashamuka, n’abagwasi b’akasi omu kulolereza gurhe echibaga chili chagenderera n’okubaha empanulo zikwanene ziyerekene okuntu bakagala kukola akasi kabo bwinja bwenene. Banarhabala bapainiya bapate amalehe makwirire omu kasi kabo k’okuhubiri. Banasima bwenene okubona abahyahya n’okuyunva emyazi minja y’okuntu bali bagenderera ekiroho. Buli mwimangizi w’omuzunguluko anachihana omu kuba “werhu mukozi oku nyungu yerhu.” (2 Wakorinto 8:23) Rhukwanene rhuyiganye obwemere n’obwimana baherhe ku Mungu.​—Waebrania 13:7.

• Bichi birhuma abemangizi b’omuzunguluko balambagirira ebibaga?

• Gurhe wakayunguka amango bamalambagirira echibaga?