Bene berhu na bali berhu b’omulala gwe Beteli banakola makasi manene marhali kuguma omu kugendereza akasi k’okuhubiri omu chihugo chiguma changwa mu bihugo binene. Bakakola akasi k’okutafusiri, okuchapisa amagazeti, okuganda ebitabu, okukola oku ma depo m’ebitabu, okurheganya emyazi y’okuyunviriza changwa evideo n’amandi makasi.

Ekomite y’Omurhabi enayumangira akasi. Ku buli Beteli, Ebaraza lirhambwire linashimika Ekomite y’Omurhabi y’eyimangira akasi. Eyola Komite eba ya balume basharhu changwa barhalwise banakwanene. Eyola Komite enamenyesa Ebaraza lirhambwire gurhe akasi kali kagenderera omu chihugo eyumangire, n’okubamenyesa ebibazo byoshi byakaba byarhengerere. Ezola raporo zinarhabala bene berhu be Baraza lirhambwire bachishoge emyazi ekwanene okuganirirwa omu bitabu, oku mbuganano n’oku mbuganano z’omuzunguluko changwa z’eneo. Abarhumwa be Baraza lirhambwire banalambagirira oku kahunda Omurhabi omu kurhabala Ekomite y’Omurhabi eyeneze akasi kabo bwinja. (Mezali 11:14) Amango amahika, hanaba embuganano nkulu, na kw’eyola mbuganano oyola murhumwa we Baraza lirhambwire anageza ejambo ly’okuheba bene berhu na bali berhu balamire mw’echola chihugo m’omurhima.

Ekomite y’Omurhabi enarhabala ebibaga bigenderere. Bene berhu bayimangire amakasi oku biro bye Beteli babayemera akaba ebibaga bihyahya birhangire. Baba balolere akasi ka bapainiya, bamisiyonere, n’abemangizi b’omuzunguluko bali bakola omu eneo y’Omurhabi gwabo. Banarhola emipango y’embuganano z’omuzunguluko n’ez’eneo zigera, banayimangira akasi k’okuyumbaka amachumbi g’Obwami gahyahya n’okulola akaba ebitabu binali byarhumwa omu bibaga nk’oku bihemere. Buli choshi chinakolwa oku Beteli chinarhabala y’akasi k’okuhubiri kagenderera bwinja.​—1 Wakorinto 14:33, 40.

• Gurhe Ekomite ze Beteli zinarhabala Ebaraza lirhambwire?

• Kasi kachi kanakolwa oku biro by’Omurhabi‵?