SOMO LYA 23
Gurhe Ebitabu Byerhu Biyadikwa n’Okutafusiribwa Omu Lwindi Lulimi?
Echigabi ch’okuyandika, Omu chihugo che Amerike
Kore di side
Armeni
Burundi
Sri Lanka
Rhunajira okwerhu koshi rhugalire yi rhumenyesa “omwazi gwinja” ku “buli shanja, buli lulimi, buli buko na buli lubaga.” Yi rhugala kujira ntyo rhuna tafsiri ebitabu omu ndimi zirhalwise 900. (Ufunuo 14:6) Gurhe rhunagala kukola akola kasi kangana ntyo? Kugerera echigusho chiguma ch’abandisi omu gulu lyoshi n’ebigusho by’aba tafsiri bachihanire. Boshi baba Bahamirizi ba Yehova.
Emyazi yoshi erhanga kuyandikwa omu chingereza. Ebaraza lirhambwire liba liyumangire echigusho ch’okuyandika chiba oku biro bikulu by’Abahamirizi ba Yehova. Echola chigusho che chinalola akasi k’okuyandika kanakolwa oku biro bikulu n’oku mandi ma biro m’omurhabi. Bulala rhuherhe abandisi b’omu bihugo byoshi, rhunagala kuyandika emyazi ehumire abantu ba buli micho oku murhima, n’echola chanarhuma ebitabu byerhu byasimwa omu gulu lyoshi.
Oku buzinda ebyayandikirwe byanarhumwa oku batafsiri. Amango bamamala kulolereza n’okuyemera emyazi yayandikirwe, yanarhumwa oku njira y’echielektronika oku bigusho by’abatafsiri omu gulu lyoshi. N’abola bana tafsiri, eyola myazi omu lwindi lulimi, enyuma y’ahola banalolereza n’okulola akaba efarhene n’echingereza, natyo banasoma byoshi batafsirire omu kulola akaba binafarhene n’amakanuni m’olulimi lwabo. Banachihangana bwenene okukolesa “ebinwa by’okuli birhagwerhe magosa” biyerekene byoshi Echingereza chiderhere omu lulimi lwabo.—Muhubiri 12:10.
Eordinatere zinarhabala okukola juba-juba. Eordinatere erhakakola akasi abandisi n’abatafsiri banakola. S’aliko akasi kabo kakagenda juba-juba omu kukolesa ediksiyonere ziba omu ordinatere, ebikoleso by’okulonza emyazi, n’ebindi bikoleso binene bibamo. Abahamirizi ba Yehova bakolere eprograme eyirikwa MEPS (Système électronique d’édition multilingue, Omu Chifaransa). Banahira mw’emyandiko omu ndimi zinene n’eyola programe yanarhabala kuyihira mw’amafoto n’okuyirheganya y’echapiswa.
Bulagurhe rhunachihangana kutafsiri ebitabu byerhu omu ndimi zinene bwenene, chiro n’omu ndimi ziderhwa n’abantu bageke bonyine? Bulala obulonza bwa Yehova buli oku “abantu ba buli buko bachunguke n’okugwarha obumenyi burhagwerhe magosa b’okuli.”—1 Timoteo 2:3, 4.
-
Gurhe ebitabu byerhu binayandikwa?
-
Bulagurhe rhuna tafusiri ebitabu byerhu omu ndimi zinene bwenene?
