Chiro akaba rhwagera omu lubala, omu nvula, omu mboho, changwa okuyambuka enyanja; rhunaja oku mbuganano zerhu buli mango. Chiro akaba rhuherhe ebibazo, changwa rhube rhwachokere, chirhabuza rhurhagera oku mbuganano zerhu haguma n’abandi bahamirizi ba Yehova. Bichi birhuma rhuli bahamirizi ba yehova, rhunajira bushiru bunganaho yirhubuganana na bene berhu na bali berhu?

Kunarhurhabala rhube bantu benja. Entumwa Paulo yalibwirire abantu b’omu bibaga by’echikristu oku ‘bahangayikirane buli muguma n’owindi’. (Waebrania 10:24) Echola chinwa chiyerekene oku rhukwanene okumenyana bwinja. Ahola, entumwa Paulo erhuhebere omurhima rhuhangayikire bene berhu. Amango rhwamamenya bwinja emilala ya bene berhu, rhwanavumbula oku baguma mu bo, bachigerere kulwisa ebibazo bili kuguma n’ebyerhu, bakanarhurhabala nerhu rhulwise ebibazo byerhu.

Kunarhurhabala rhugwarhe abera b’okuli. Oku mbuganano zerhu, rhunabuganana na bene berhu, bali bera berhu b’okuli; rhurhababona nka bantu rhumenyene nabo konyine. Hali amango, rhunashimanana nabo omu kuchisimisa omu bulyo bukwanene. Nyungu nchi okola kukomerana kunarhulerhera? Kunarhurhabala rhubone bene berhu oku bali b’akamaro, rhunabazigire bwenene. Chechirhuma, amango bali omu bibazo, rhunaba juba-juba kubarhabala bulala bali bera berhu bwenene. (Mezali 17:17) Omu kukomera abantu boshi b’omu chibaga cherhu, rhwanayerekana oku ‘rhunahangayikirana.’​—1 Wakorinto 12:25, 26.

Rhukuhebere m’omurhima ochishoge abera omu bantu bali bakola obulonza bwa Mungu. Wabona abera bali ntyo ahakagarhi k’Abahamirizi ba Yehova. Wekalama we, orhayemeraga echintu n’echiguma chakubuza okurhukomera.

• Okubuganana na bene berhu na bali berhu oku mbuganano kuna rhulerhera nyungu zichi?

• Mango machi osimire kuyinja oku mbuganano zerhu?