Mungu alonzenze abantu balame esiku n’amango omu busime n’omurhula omu paradizo oku gulu!

Hali oku wakaderha ntya: ‘birhakashoboka.’ S’aliko Ebiblia eyemezeze oku byakashoboka kugerera Obwami bwa Mungu. Mungu alonzeze abantu boshi bamenye binene oku bilolere Obulonza n’Obwami bwage.​—Zaburi 37:​11, 29; Isaya 9:7.

Mungu alonzeze rhugwarhe akalamo kakwirire.

Omuzere mwinja anasima abana bage bagwarhe akalamo kakwirire bwenene. Na Darha w’embingu alonzeze rhulame omu busime esiku n’amango. (Isaya 48:17, 18) Alaganyize ntya: “Oli wajira obulonza bwa Mungu nj’alama esiku n’amango.”​—1 Yohana 2:17.

Mungu alonzeze ‘rhulambagire omu njira zage’.

Ebiblia eyerekene ok’omulemi werhu asimire arhuyigirize “enjira zage” yi rhulambagira ‘omu mikaba (birenge) yage.’ (Isaya 2:2, 3) Agushire “olubaga” bwinja eju y’ezino lyage, y’obulonza bwage bumenyikana oku gulu lyoshi.​—Matendo 15:14.

Mungu alonzeze rhumuharamye omu buguma.

Edini ly’okuli lirhagabanya abantu, s’aliko linabaheba haguma. (Yohana 13:35) Zene, ba nde bali bayigiriza abalume n’abakazi ba buli lubero okukolera Mungu omu buguma? Rhukuhemere osome akala katabu y’opata echishubizo.