Siku zigeke embere afe, Yesu aliganirire na bane omu banafunzi bage: Petro, Yakobo, Yohana na Andreya. Amola mango, Yesu aleba ebimenyeso by’okubaho kwage omu siku z’obuzinda, abaza na chibazo chiguma ch’akamaro: “Inde kwa kweri muja mwimana onakengukire n’ahamwabo ashingize abakozi b’omulala gwage, y’abaha ebilyo byabo omu bisanzi bikwanene?” (Matayo 24:3, 45; Marko 13:3, 4) Yesu arhaliri aderhera ebilyo by’omubiri. Aliri ashushanya ebilyo n’obumenyi oku bilolere Mungu. Yesu alilaganyize abanafunzi bage oku bulala ali “n’ahamwabo”, akahebere h’abakahere abanafunzi bage ebilyo binene by’ekiroho omu siku z’obuzinda. Inde wakabere oyola muja?

Chili chigusho chigeke ch’abakristu bashigwa-mavurha. Oyola “muja” lili Baraza lirhambwire ly’Abahamirizi ba Yehova. Elyola Baraza lili lyaha abanaharamya Yehova ebilyo by’ekiroho omu bisanzi bikwanene. Rhunihire oyola muja mwimana ogenderere kurhuha olwerhu ‘lugero lw’ebilyo rhukenere omu bisanzi bikwanene.’​—Luka 12:42.

Ayimangire enju ya Mungu. (1 Timoteo 3:15) Yesu amushingize akasi kazibuzibu k’okuyimangira akasi k’echigabi ch’oku gulu ch’olubaga lwa Yehova, k’okuderha okuyumangira ebikulo byoshi by’olubaga lwa Yehova, oku yerekeza akasi k’okuhubiri n’okurhuyigiriza kugerera ebibaga byerhu. Y’agala kurhuha ebirhukenere amango rhunabilagirire, “omuja mwimana onakengukire” anagaba ebilyo by’ekiroho kugerera ebitabu rhunakolesa omu mahubiri na kugerera embuganano zerhu zikulu.

Oyola muja ali mwimana oku bukweri bwe Biblia n’oku kasi kage k’okuhubiri omwazi gwinja, anakengukire bulala ali ayumangira ebikulo bya Kristu bili kunola gulu omu njira ekwirire. (Matendo 10:42) Yehova ali agisha akasi k’oyola muja omu kujira bantu banene babe bahamirizi n’okumurhabala agale kubaha boshi ebilyo binene by’ekiroho.​—Isaya 60:22; 65:13.

• Inde Yesu ashingize akasi k’okuha abantu bage ebilyo by’ekiroho?

• Bulagurhe omuja ali mwimana anakengukire?