Mu myaka minene, Abahamirizi ba Yehova bakazaga kolesa etafusiri zinene ze Biblia, okuzichapisa, n’okuzigabira abantu. S’aliko, rhwabona oku yi rhurhabala abantu bwinja, bayige “obumenyi burhaherhe magosa b’okuli,” obu Mungu asimire buli muntu agwarhe, byalihemere okugwarha etafusiri mpyahya ye Biblia. (1 Timoteo 2:3, 4) Nantyo, omu mwaka gwa 1950 rhwarhondera okuchapa ebigabi bye Biblia yerhu Tafsiri ya Ulimwengu Mupya ekoleseze olulimi lwa buno. Eyola Biblia yatafusirirwe oku bwimana na buzira magosa omu ndimi zirhalwise 170.

Rhwalikenere etafusiri ye Biblia eyunvikene bwinja. Endimi zinayinja zahindamuka enyuma y’esiku, n’etafusiri ze Biblia zinene zijira ebinwa birhahundukire changwa bya mira, bikomere okubiyunva. Olekere nantyo, bavumbwire emyandiko ya mira erhaherhe magosa enayegerere ey’oburhanzi. Yarhabere okumenyerera Echiebrania, Echiaramu n’Echigiriki; Endimi zirhanzi-rhanzi zakolesagwa omu kuyandika Ebiblia.

Rhwalikenere etafusiri erhahindamwire omwazi gwa Mungu. Ahali h’okuhindamula emyandiko yarongozwaga ne roho lya Mungu, abatafusiri be Biblia, bakwanene kukulikira oku bwimana emyandiko ya burhanzi-rhanzi. S’aliko, tafusiri zinene ze Biblia zirhakolesa ezino lya Mungu, Yehova.

Rhwalikenere Etafusiri ye Biblia ekuzize owayi yandikisaga. (2 Samweli 23:2) Omu Tafsiri ya Ulimwengu Mupya, ezino lya Yehova lya galwirwe hoshi lyaliri, hofi kali 7 000 omu myandiko ya mira ye Biblia, nk’ok’ogula mufano guli ahala shishi guyerekene. (Zaburi 83:18) Kwa bulala abatafusiraga eyola Biblia balilonzeze emyazi n’obushiru oku myaka minene; ey’omuntu ayisoma anayunva asimire bwenene bulala eyerekene bwinja bwija amawazo ma Mungu. Obe oherhe changwa nanga Tafsiri ya Ulimwengu Mupya omu lulimi lwawe, rhukuhebere omurhima osome Omwazi gwa Yehova buli lusiku.​—Yoshua 1:8; Zaburi 1:2, 3.

• Bulagurhe rhwalikenere Etafusiri Mpyahya ye Biblia?

• Bichi omuntu osimire kumenya obulonza bwa Mungu akwanene kujira buli lusiku?