Koko bwenene bulala wakoleseze ebisanzi byawe omu kuyiga akala katabu omu kushonda omenye myazi minene eju y’Abahamirizi ba Yehova, akasi kabo, na gurhe olubaga lwabo lunakola akasi. Rhuherhe obunihire okw’akala katabu ka kurhabere okumenya okw’Abahamirizi ba Yehova babali bakola obulonza bwa Yehova mu zinola siku. Rhukuhebere omurhima ogenderere kuyiga eju ya Mungu, okuganira n’abantu b’omulala gwawe na bera bawe oku by’oli wayiga, n’okuja oku mbuganano zerhu oku kahunda.​—Waebrania 10:23-25.

Ok’oli wagenderera kuyiga binene eju ya Yehova, wabona okw’akuzigira bwenene. Okola kwakushunika ojire okwawe koshi ogalire yo yereka Yehova oku nawe omuzigira. (1 Yohana 4:8-10, 19) Aliko si, gurhe wakayerekana ok’onazigira Mungu omu kalamo kawe ka buli lusiku? Bichi wayunguka nk’okulikire amakanuni mage eju y’okuchigendesa bwinja? Bichi byakurhabala okole obulonza bwa Mungu haguma n’Abahamirizi ba Yehova? Omuhamirizi onakuyigiriza Ebiblia, asima kukurhabala obone ebishubizo by’ebila bibazo, yi woyo n’omulala gwawe “mubera omu buzigire bwa Mungu, amango muli mwagenderera kulindira . . . Akalamo k’esiku na mango.”​—Yuda 21.

Rhukuhebere omurhima ogenderere okuja embere omu njira y’okuli omu kuyiga echila chitabu “Namna ya Kubakia Katika Upendo wa Mungu”