Mungu ajiraga abana ba Aburahamu eshanja liguma anabaha amarhegeko. Ayirikire elyo shanja “Israeli” kandi abaha obulyo bw’okushenga k’okuli n’omwazi gwage. (Zaburi 147:19, 20) Abantu b’ebihugo byoshi bali kugishwa kugerera eshanja lya Israeli.​—Soma Mwanzo 22:18.

Mungu acishogere Aba Israeli yi baba Batemwe bage. Akalamo k’abaisraeli kayerekene oku abantu banagishwa nkabakengere amarhegeko ma Mungu. (Kumbukumbu 4:6) Kugerera Aba Israeli abandi bantu bali bamenya Mungu w’okuli.​—Soma Isaya 43:10, 12.

Enyuma y’esiku, aba Israeli balahire kukenga Mungu naye abakabula ava acishoga ekutaniko lya Abakirisu. (Matayo 21:43; 23:37, 38) Zene ah’okukolesa aba Israeli, Yehova akolesa ekutaniko lya Kikristu nka Batemwe bage.​—Soma Matendo 15:14, 17.

Yesu ahebere abanafunzi bage oku musitari yi bahubiri n’okulonza abanafunzi omu igulu lyoshi. (Matayo 10:7, 11; 24:14; 28:19, 20) Aka kasi kali hofi kuyumanga kokuderha oku mwisho gw’egulu. Bwali bw’oburhanzi omu kalamo k’abantu Yehova aheba haguma abantu barhengere omu bihugo binene. (Ufunuo 7:9, 10) Abakirisu b’Okuli bali cigusho cihebere haguma yi bagwasanya n’okuhebana emurhima. Omu igulu lyoshi bayiga eporogarame nguma y’enyigirizo oku mikusanyiko yabo.​—Soma Waebrania 10:24, 25.

Omu mwaka gwa 1870 cigusho cigeke c’abanafunzi b’Ebiblia bawanzaga kulonzesa okuli kw’Ebiblia kwali kwaherere. Bali bayinji oku Yesu aligwerhe ekutaniko lyali likwanene kuhubiri, ebyo byarhuma nabo barhangira kuhubiri omu igulu lyoshi. Omu mwaka gwa 1931 barholere ezino ly’Abatemwe ba Yehova.​—Soma Matendo 1:8; 2:1, 4; 5:42.

Amango g’entumwa, amakutaniko magikirisu magendaga mayigirizwa n’Ekoleje Santrale nayo yayemeraga Yesu nko mukulu w’ekutaniko. (Matendo 16:4, 5) Na zene, Abatemwe ba Yehova omu igulu lyoshi bayobolwa n’Ekoleje Santrale elimo abashamuka bamageza esiku. Ekoleje Santrale enacunga ebiro z’ebeteli zikola akasi k’oguhindula, kucapa n’okuhana ebitabu omu ndimi zili enyanya ya 600. Obo Ekoleje Santrale enahana empanulo z’Ebiblia zihebere emurhima n’omusitari g’okugenderako omu makutaniko mali enyanya ya 100 000 omu igulu lyoshi. Omu ngasi kutaniko, abalume bayunjwize eby’Ebiblia ehunire bakola nka bazehe. Aba balume bakolesa obuzigire omu kuhangayikira entama za Mungu.​—Soma 1 Petro 5:2, 3.

Abatemwe ba Yehova bali oku musitari yibayigiriza omwazi mwinja g’Obwami n’okujira abanafunzi. Kuguma n’entumwa, rhuyigiriza okunju n’enju. (Matendo 20:20) Abantu basima okuli kurhenga oku murhima nabo rhubayigiriza Ebiblia. Abatemwe ba Yehova arhali bantu bali oku musitari konyine. Rhuli mulala gugwerhe darha orhusima. Rhuli ba ndugu na ba dada bahangayikirana. (2 Watesalonike 1:3) Bulala abantu ba Yehova baheberwe haguma yi bamusimisa, rhuli mulala gushagalukire oku igulu lyoshi.​—Soma Zaburi 33:12; Matendo 20:35.