ESOMO 10
Oku Wakamenya Edini ly’Okuli?
1. Haliho edini liguma ly’okuli si?
“Mucilange abalebi b’obubeshi.”—MATAYO 7:15.
Yesu ayigirize abanafunzi bage oku haliho edini liguma ly’okuli. Lili nka barabara liheka abantu oku kalamo k’esiku zoshi. Yesu aderhere intya: “Bageke bo bali babona elyo barabara.” (Matayo 7:14) Mungu ayemera okuharamya nkokw’ Ebiblia ederha konyine. Abahuna Mungu omu kuli bahebwa haguma n’obuyemere buguma.—Soma Yohana 4:23, 24; 14:6; Waefeso 4:4, 5.
2. Bici Yesu aderhaga okubiyerekere edini ly’obubeshi?
“Banaderha oku bayinji Mungu, aliko banamuhakana kugerera ebi banakola.”—TITO 1:16.
Yesu ali derhere okw’abalebi b’obubeshi bali bazingisa abakirisu b’okuli. Enyuma baba bashushire n’abakirisu b’okuli. Ekanisa zabo ziderha oku zili z’okuli. Aliko wakamenya bali bantu nyabaci. Gurhe si? Okuharamya k’okuli konyine kokuburha abakirisu b’okuli banagwerhe engeso n’ebijirwa wakabamenyerako. —Soma Matayo 7:13-23.
3. Oku wakamenya edini ly’okuli
Lola ebi bimenyeso birhano:
-
Abahuna omu kuli bakenga Ebiblia nka mwazi gwa Mungu. Bacikaza kugendera oku mpanulo z’Ebiblia. Biderhere oku bacilanga edini ligendera oku mawazo m’abantu. (Matayo 15:7-9) Bakola ebili kuguma nebi banahubiri.—Soma Yohana 17:17; 2 Timoteyo 3:16, 17.
-
Abanafunzi ba Yesu bakenga ezino lya Mungu, Yehova. Yesu akengaga ezino lya Mungu kugerera kulimenyesa abandi. Agwasize abandi kumenya Mungu anabayigiriza kuhuna y’ezino lya Mungu likuuzwa. (Matayo 6:9) Dini lihe ah’olamire linamenyekanisa ezino lya Mungu?—Soma Yohana 17:26; Waroma 10:13, 14.
-
Edini ly’okuli liyigiriza abandi ebiyerekere Obwami bwa Mungu. Mungu alikaga Yesu ya hubiri emyazi minja y’Obwami. Obwami bwa Mungu buli bulangalire bwonyine bw’abantu bwakula ebibazo byabo. Yesu agenderere kuhubiri ebiyerekere Obwami kugeza Olusiku afaga (Luka 4:43; 8:1; 23:42, 43) Aderhere okw’abanafunzi bage nabo bali bahubiri ebiyerekere obola Bwami. Nk’omuntu amakuyegera anakubwira oku biyerekere Obwami, dini lihe wakawaza abamo?—Soma Matayo 24:14.
-
Abanafunzi ba Yesu barhakulikiza engeso z’egulu. Wakabamenyera oku ngeso zabo z’okurhaja omu politike cangwa kuja omu ntambala z’abantu. (Yohana 17:16; 18:36) Barhayiganya kandi engeso n’amawazo m’egulu mabi.—Soma Yakobo 4:4.
-
Abakirisu b’okuli basimana. Omwazi gwa Mungu gubayigiriza kukenga abantu b’obuko bwoshi. Naciro amadini m’obubeshi magenderere kugwasa entambala, abahuna Mungu omu kuli bowe babilahira. (Mika 4:1-3) Abakirisu b’okuli bakolesa emisi yabo n’ebi bagwerhe bagwasa abandi n’okubaheba emurhima.—Soma Yohana 13:34, 35; 1 Yohana 4:20.
4. Gurhe wakamenya edini ly’okuli?
Dini lihe lishingira enyigirizo zalyo oku Biblia, linakenga ezino lya Mungu, n’Okuyigiriza ebiyerekere Obwami bwa Mungu oku cili cishubizo conyine c’ebibazo by’abantu? Dini lihe lisimana n’okucilanga entambala? Bici owazize?—Soma 1 Yohana 3:10-12.
