Biyunvikene okw’enyigirizo z’oburhanzi wayigire zakomeze ubusime bwawe buyerekere Mungu. Okwanene kuhebako emisi y’obu busime bukomera. (1 Petro 2:2) Kusudi obone akalamo k’esiku zoshi, okwanene ogenderere kuyegera Mungu wayiga Omwazi gwage.​—Soma Yohana 17:3; Yuda 21.

Oku wagenderera kumenya Mungu, obwemere bwawe bwakomera. Obo bwemere bwakugwasa kusimisa Mungu. (Waebrania 11:1, 6) Bwakugwasa kucihana ebyaha byawe onahinduke omu kalamo kawe.​—Soma Matendo 3:19.

Ololere, nji walonza kubwira abandi ebi wayigire, rhweshi rhusimiswa n’okubwira abandi emyazi minja. Oku wagenderera kuyiga Ebiblia, nji wamenya oku wakakolesa Ebiblia waderha okubiyerekere eby’oyemera haguma n’emyazi minja.​—Soma Waroma 10:13-15.

Baguma barhangira kuyigiriza abira babo cangwa benebabo. Genda wakolesa obwenge. Ah’ okubabwira kw’edini lyabo lili ly’obubeshi, mushambale enyanya z’endagano za Mungu. Kandi oyibuke okw’abantu basimiswa hanene n’ebijirwa byawe binja kulusha eby’obayigiriza.​—Soma 2 Timoteyo 2:24, 25.

Okuyiga omwazi gwa Mungu byakugwasa okukula omu bulyo bw’omuka. Ebyo kandi byarhuma wajirana obwira bukomere na Yehova. Kokuderha wakaba muguma omu bajirire omulala gwage.​—Soma 2 Wakorinto 6:18.

Wakagenderera okuja embere omu bulyo bw’omuka, okagenderera kuyiga omwazi gwa Mungu. (Waebrania 5:13, 14) Ohune Abatemwe ba Yehova bakuyigirize Ebiblia bakoleseze ecitabu Biblia Inatufundisha Nini? Byakujirira akamaro okagenderera kuyiga Omwazi gwa Mungu.​—Soma Zaburi 1:1-3; 73:27, 28.

Omwazi mwinja gurhengere emwa Yehova Mungu w’obushagaluke. Wakamuyegera omu kuciheba haguma n’abantu bage. (Waebrania 10:24, 25) Emisi oli wakolesa y’osimisa Mungu, yarhuma wabona akalamo k’okuli, kokuderha akalamo k’esiku zoshi. Kuyegera Mungu c’ecintu cinja wakakola omu kalamo.​—Soma 1 Timoteyo 1:11; 6:19.