Embere w’efunzo

1. 1. Ochirheganye bwinja. Owaze oku by’omwanafunzi wawe alagirire, ehali yage, n’okuntu anabona ebintu. Owaze ku buli chintu chakamukomerera okuyunva changwa okuchikolesa omu kalamo. Owaze okuntu emyazi eli omu chigabi “Eyindi Myazi” yakarhabala omwanafunzi wawe, onabe tayari kuyikolesa nka bihemere ntyo amango yimwayiga.

Amango muli mwayiga

1. 2. Ohwanze n’okumala efunzo n’esala, akaba omwanafunzi wawe ayemerere.

2. 3. Orhaderhaga binene. Ochiseze oku mawazo mali omu chitabu onaleke omwanafunzi achifasiriye.

3. 4. Amango mwamahwanza echigabi chihyahya, osome omwazi gukulu gw’echola chigabi, onaderhe oku bugeke oku somo zilimo.

4. 5. Amango mwamamala echola chigabi, okolese echigabi chiyibusya y’orhabala omwanafunzi wawe ayibuke obukweri ayigire.

5.  6. Amango oli wayiga buli somo n’omwanafunzi wawe ojire ntya:

   1. Musome echifungo.

   2. Musome amandiko moshi mayandikirweko “Osome.”

   3. Musome n’amandi mandiko mayerekenwemo nka bihemereko.

   4. Muzihe amavideo moshi mayandikirweko “Ziha” (akaba maliho).

   5. Obaze omwanafunzi ebibazo byoshi.

   6. Oseze obwenge b’omwanafunzi oku mafoto mali omu chigabi “Humba Bwenene,” onamubwire amafasiriye.

   7. Okolese echisanduku “Omuhigo” y’orhabala omwanafunzi wawe amenye amaja-mbere m’ekiroho y’ajira. Omuhebe omurhima akolese omufano g’omuhigo gubonekene omu chitabu y’achihebera h’ogwage-gwage muhigo, changwa ayikulikire yombi.

   8. Obaze omwanafunzi wawe akaba hali emyazi changwa amavideo alisimire omu chigabi “Eyindi Myazi” amango aliri arheganya esomo.

   9. Ochihangane buli kuyiga, muyinje mwayiga esomo lyoshi.

Enyuma w’efunzo

1. 7. Ogenderere kuwaza oku bilolere omwanafunzi wawe. Osalire Yehova agishe amaja-mbere y’ajira, onamubwire akuhe obwengehe y’omenya okuntu wakamurhabala.