Bichi Filipo Alijirire

Ogula Mufano gwa Filipo Gurhuyigirize?

2. Nka rhugendereze enganiro buzira kuchijirisa, byakashobokana ok’omunviriza werhu achiyunva huru n’okuba tayari kuyunviriza oburhumwa bwerhu.

 Oyiganye Filipo

3. Obe muntu onalolereza. Okuntu omuntu achifarhire, okuntu y’alola, amajeste y’ajira byakakubwira binene oku bimulolere. Oyola muntu, abonekene okw’alonzeze kuganira nawe si? Wakarhonderesa emyazi oku bilolere obukweri bwe Biblia omu kufa chakubaza omuntu echibazo nka, “Walimenyere oku. . . ?” Orhalonzaga kugendereza enganiro oku chingufu haguma n’omuntu orhalonzeze kuderha.

4. Obe muntu onalindira. Orhachiyunvaga nka bikuhemere oganire oku bukweri bwe Biblia aho han’aho. Olindire akasanzi kenja naho wagala kuhaana obuhamirizi buzira kuchijirisa. Hali amango byakahema okulindira eyindi turu mwaganira n’oyola muntu.

5. Obe muntu wakahindamuka juba-juba. Hali okuntu enganiro yakahindamuka nk’ok’orhaliwazize. Bobo, obe tayari kubwira omuntu echintu chakamusimisa chiro akaba arhali chi walirheganyize.