OKURHONDERESA ENGANIRO
SOMO LYA 3
Obwinja
Akanuni: “Obuzigire buba . . . m’obwinja.”—1 Ko. 13:4.
Okuntu Yesu Alijirire
1. Olole EVIDEO, changwa osome Yohana 9:1-7. Oje wawaza oku bibazo bikulikireho:
-
Bichi Yesu arhangaga kujira; arhangaga kufumya omulume w’empumi changwa si y’okumubwira emyazi minja y’Obwami?—Olole Yohana 9:35-38.
-
Bulagurhe okuntu Yesu arhonderaga enganiro kwakarhabere oyola mulume ayemere emyazi minja?
Bichi Ogula Mufano gwa Yesu Gurhuyigirize?
2. Hali oku byakashobokana omuntu ayunvirize oburhumwa bwerhu nk’achiyunvirhe oku rhumulagireko.
Oyiganye Yesu
3. Oganye haguma n’omuntu. Obe nka wawaza okuntu omuntu ali achiyunva.
-
Ochibaze: ‘Bichi byakaba bili byamulaza? Bichi byakamurhabala n’okumusimisa?’ Okujira ntyo kwakurhabala oyerekane obwinja buzira kuchijirisa.
-
Oyerekane ok’olagire oku bilazize omuntu omu kumuyunviriza. Akakubwira okuntu aly’achiyunva oku bilolere chintu chilebe changwa akaderha echibazo y’ahurana nacho, orhalerhaga eyindi-yindi myazi.
4. Oganire bwinja n’obukenge. Amango wamayunvira omuntu akababaro onalonzeze kumurhabala, byayunvikana omu mulenge gwawe. Ochishoge ebinwa waderha n’okuntu wabiderha, onachilange orhaderha ebyakamugayisa.
5. Obe muntu w’okurhabalana. Olonze akasanzi kakwanene k’okurhabala omuntu omu bijiro. Ebijiro binja gwakaba mulyango g’okurhonderesa enganiro.
