Ohindamule olugero l’omulenge. Oyongere omulenge amango okala kukaziza amawazo makulu y’oha abanafunzi bawe obushiru b’okukuyunviriza. Ojire oko k’on’okola amango oli wasoma olwandiko luderhere olubanja. Oyandagaze omulenge omu kujira abonviriza bawe bagwarhe enyorha y’okumenya eby’okala kuderha, omu kuderha ebiyubahirisize, changwa bigayisize.

Ohindamule okuntu omulenge gwawe yigwagenda. Akaba birhalahizwe omu lulimi lwawe, oseze omulenge omu kuderha ebintu by’obushagaluke, obunene bw’echintu changwa obule. Oyorohye omulenge omu kuyerekana obonjo changwa omugayo.

Oderhe kubuya-buya changwa juba-juba. Obe nka waderha juba-juba omu kuyerekana obushagaluke. Oderhe kubuya-buya amango wamarhondera kuderha omwazi gw’akamaro.