Ogwarhe amawazo menja oku bonviriza bawe. Obe y’omenyere kw’abenyu bemezi balonzeze basimise Yehova. Chiro byahema k’ohanule, orhange osingize abantu n’omurhima goshi, amango moshi byakashobokana.

Orhaderhaga binene oku myazi erhakwirire. Omu mwazi oli washambalako, oderhe bugeke oku myazi erhali ya buholo elimo, omu kuyeneza omuhigo gw’ebi walonzaga kuderha konyine. Okuntu oli waderha omu ngabane yawe yoshi, n’omulenge bikwanene kuba eyi biyerekene k’oherhe amawazo menja.

Okolese Echinwa cha Mungu bwinja. Oseze obwenge bw’abantu oku bi Yehova akolere, eby’ali akola, n’ebinji akolera abantu omu mango mayinjire. Orhabale abonviriza bakomere banagwarhe obunihire.