Orhabale abonviriza bawe bachisuzume bowe bonyine. Obaze ebibazo wenyine washubizako byakarhabala abonviriza basuzume bwinja enkengero zabo.

Obarhabale balole bichi binabashunika kujira ebintu binja. Ohire abonviriza bawe omurhima barhegere bulagurhe banakola ebintu binja. Obarhabale bagwarhe empanvu zinja z’okubashunika kukola amenja​—obuzigire ku Yehova, obuzigire oku bandi, n’oku nyigirizo z’Ebiblia. Owaze bwenene haguma n’abonviriza bawe. Ahali h’okubakoza eshoni changwa orhume bachiyunva oku bali banyamagosa, omalirize engabane yawe omu kubahira omurhima, eyi banachiyunvirhe huru okujira okwabo koshi bakanagala.

Orhabale abonviriza bawe baseze obwenge ku Yehova. Oyerekane bwinja okuntu enyigirizo, amakanuni, n’amarhegeko me Biblia, byoshi biyerekene engeso za Mungu n’obuzigire bwage ku rhwewe. Ohire abonviriza bawe omurhima bawaze okuntu Yehova anachiyunva banagwarhe enyorha y’okumusimisa.