Olonzeze emyazi wakolesa ahantu hakachizerwa. Ebiwaderha bibe eyi biyimangire oku Chinwa cha Mungu, na nka byakashobokana wanasoma omu Biblia. Nk’oderhere ebirhengerere omu siyanse, omu informasiyo, ebiwachibwenere, changwa echindi chemezo, orhange olole bwinja embere w’echihe akaba ahola wamakula emyazi hachizererwe, erhanali myazi yagezeze esiku.

Okolese bwinja emyazi wabwene. Ofasiriye amandiko omu kuntu kurhapingene n’oburhumwa boshi b’omu Biblia, n’ebitabu na buli choshi “omuja mwimana onakengukire” anakula. (Mt. 24:45) Amango oli wakolesa eyindi-yindi myazi erharhengerere omu Biblia changwa omu bitabu byerhu, orhahindamulaga ewazo ly’owabiyandikaga changwa omuhigo gwage.

Obiwazeko haguma n’abonviriza bawe. Ey’omala kusoma olwandiko changwa waderhere emyazi erhengerere ahandi-handi hantu, obaze ebibazo n’amayeri awo wanahaana omufano g’okufasiriya ewazo likulu omu kuntu abonviriza bawe bachibonere obukweri bw’ebintu.