SOMO LYA 04
Mungu ye Nde?
Kurhenga mira, ey’abantu banaharamya ba mungu na ba mungu-kazi. Aliko Ebiblia ederhere oku bilolere Mungu muguma oli “mukulu bwenene kulusha abo bandi ba mungu boshi.” (2 Mambo ya Nyakati 2:5) Ye nd’oyo? Na bichi bimujirire abe mukulu kulusha abo bandi ba mungu abantu banaharamya? Mw’elila somo, wabona gurhe Mungu achimenyeseze emund’oli.
1. Ezino lya Mungu ye nde, na bichi biyerekene kw’alonzeze rhulimenye?
Mungu achimenyeseze emunda rhuli kugerera Ebiblia. Aderhere: “Nye Yehova. Elyo lye zino lyani.” (Osome Isaya 42:5, 8.) “Yehova” lili zino litafsiribwe kurhenga omu Chiebrania, binashobokene ku k’okuderha “Anajira Kube.” Yehova alonzeze rhumenye ezino lyage. (Kutoka 3:15) Bichi birhuyemezeze ntyo? Elyola zino lyage libonekene omu Biblia kurhalusya kali 7 000! a Ezino Yehova lili lya “Mungu w’okuli w’enyanya omu mbingu n’eshishi oku gulu.”—Kumbukumbu la Torati 4:39.
2. Bichi Ebiblia erhubwirire oku bilolere Yehova?
Ebiblia ederhere ok’omu ba mungu boshi abantu bachigerere kuharamya, Yehova yenyine ye Mungu w’okuli. Bulagurhe? Hali mpanvu zinene. Yehova aherhe oburhwali bukulu, na yewe yenyine yeli “Enyanya Bwenene w’egulu lyoshi.” (Osome Zaburi 83:18.) Ali “Ogala-byoshi,” k’okuderha okw’aherhe emisi y’okujira buli choshi alonzeze kukola. ‘Alemere ebintu byoshi;’ amahanga na buli choshi chilamire oku gulu. (Ufunuo 4:8, 11) Tofauti n’owindi muntu yeshi-yeshi, Yehova arhulaho, anagenderera kubaho esiku n’amango.—Zaburi 90:2.
HUMBA BWENENE
Lolaga ngahe amazino ma Mungu m’echeo malekene n’ezino lyage kanuni. Washuba kumenya nka gurhe na bulagurhe akumenyeseze ezino lyage.
3. Mungu agwerhe byeo binene, aliko zino liguma ly’ajira
Y’obona gurhe ezino ly’echeo ch’omuntu n’ezino lyage kanuni arhali byebiguma, ziha EVIDEO, muje mwaganira kw’echila chibazo.
-
Ngahe ezino ly’echeo cha Mungu, nka “Waliha,” lilekene n’ezino lyage kanuni?
Ebiblia ederhere oku abantu banaharamya ba mungu na ba waliha banene. Osome Zaburi 136:1-3, muje mwaganira kw’echila chibazo:
-
Inde ye “Mungu wa ba mungu” na “Waliha wa ba waliha”?
4. Yehova alonzeze omenye ezino lyage onalikolese
Bichi biyerekene oku Yehova alonzeze omenye ezino lyage? Ziha EVIDEO, muje mwaganira kw’ebila bibazo.
-
Owazize ku Yehova alonzeze ezino lyage limenyikane si? Bulagurhe?
Yehova alonzeze abantu bakolese ezino lyage. Osome Waroma 10:13, muje mwaganira kw’ebila bibazo:
-
Kangana gurhe bili by’engenzi okukolesa ezino lya Mungu, Yehova?
-
Gurhe onachiyunva ey’omuntu ayibuka ezino lyawe n’okukuhamagala mu lyo?
-
Gurhe si owazize Yehova anachiyunva eyi wakolesa ezino lyage?
5. Yehova alonzeze omuyegeere
Mukazi muguma w’omu Kamboje oyirikirwe Soten aderhere ok’okuyiga ezino lya Mungu kwamurhabere achiyunve “bwinja nk’ok’omuntu akachiyunva bwinja koshi oku gulu.” Ziha EVIDEO, muje mwaganira kw’echila chibazo
-
Mw’eyila video, nka gurhe okuyiga ezino lya Mungu kwalirhabere Soten?
Embere ojire obwira n’omuntu, binahema orhange omenye ezino lyage. Osome Yakobo 4:8a, muje mwaganira kw’ebila bibazo:
-
Bichi Yehova akuhemere ojirage?
-
Nka gurhe okumenya ezino lya Mungu n’okulikolesa kwakarhuma wachiyunva oli hofi naye?
HALI ABANTU BANA DERHA: “Haba Mungu muguma yenyine, koshi-koshi wakamuhamagala, yen’oyo tu.”
-
Oyemerere oku Yehova ly’ezino lya Mungu si?
-
Gurhe wakafasiriya owindi oku Yehova alonzeze rhukolese ezino lyage?
OKU BUGEKE
Yehova lili zino lya Mungu muguma yenyine w’okuli. Alonzeze rhulimenye rhunalikolese yi rhumuyegeera.
Rhuchiyibusye
-
Nka gurhe Yehova arhali kuguma n’abandi ba mungu abantu banaharamya?
-
Bulagurhe rhukwanene kukolesa ezino lya Mungu?
-
Bichi biyerekene ku Yehova alonzeze omuyegeere?
EYINDI MYAZI
Chilolera wenyine mpanvu erhano ziyerekene bulagurhe rhwakachizera ku kweri Mungu abaho.
Lola bulagurhe bipatene n’obwenge okuyemera ku Mungu arhulaho.
“Inde Walemaga Mungu?” (Omunara g’Omulanzi, Lusiku 1 Mwezi gwa 8, 2014)
Lola bulagurhe rhukwanene kukolesa ezino lya Mungu, chiro akaba ok’okuntu bakazaga lichisa burhanzi kurhachimenyikene.
Omuntu akahamagala Mungu nk’okw’analonzeze si? Lola bulagurhe rhwakaderha okw’ajira zino liguma kanuni.
a Y’omenya binene oku bilolere eby’ezino lya Mungu liderhere na bulagurhe etafsiri zinene ze Biblia zalikulire, olole Apandise A4 omu Biblia–Tafsiri ya Ulimwengu Mupya.
