SOMO LYA 05
Ebiblia Buli Burhumwa Mungu Arhulikiize
Yehova arhuhere oluhembo lwinja orhankalola; bitabu 66 bigushirwe haguma, Ebiblia. Aliko hali oku wakachibaza: ‘Ngahe Ebiblia yarhengaga? Inde nyina-yo?’ Omu kushubiza kw’ebyola bibazo, leka rhulole nka gurhe oburhumwa bwa Mungu buli omu Biblia bwarhuhikaga ko.
1. Akaba bantu bayandikaga Ebiblia, gurhe Mungu akaj’aba Nyina-yo?
Ebiblia yayandikwaga na bantu bahikire ku 40 mu chihe cha myaka 1 600 ntya. Kurhangira omu 1513 M.K.Y. kugera omu 98 ntya N.K.Y. Ebiblia yayandikwaga n’abantu barhengerere mu micho erhali kuguma; aliko chiro akaba ntyo, erhachishubanganya. Nka gurhe bihashikene ntyo? Bulala Mungu ye Nyina-yo. (Osome 1 Watesalonike 2:13.) Abandisi bayo barhayandikaga mw’amawazo mabo. S’ahubwe, “baderhaga ebirhengere emwa Mungu, nk’oku bayerekezwaga n’eroho lichesibwa.” a (2 Petro 1:21) Mungu alikoleseze eroho lyage lichesibwa omu kufuhera abo balume, awo kubayerekeza, bayandike amawazo mage.—2 Timoteo 3:16.
2. Inde wakayunguka ne Biblia?
“Buli shanja, obuko, olulimi, na buli bantu” bakayunguka n’emyazi minja eli omu Biblia. (Osome Ufunuo 14:6.) Mungu achihanganire ye Biblia ebonekana mu ndimi kamama kulusha echindi chitabu choshi-choshi chachigerere kubaho. Hofi buli muntu akasoma anayunve oburhumwa bwa Mungu. Byakashoboka chiro akaba ngahe omuntu alamire, changwa lulimi luhe ali aderha.
3. Nka gurhe Yehova alangire Ebiblia?
Ebiblia yayandikwaga oku bintu birhakalama bwenene nk’empu n’amapapirise. Aliko abalisimire Ebiblia bayinja bayihamisa-hamisiza oku mandi makopi. Chiro akaba okw’abantu baliherhe oburhwali baliri balonza mpu bayizimye erhachibagaho, abandi baliyemerere ahubwe bafe, chaziga bayilange. Yehova arhayemeraga omuntu changwa echintu choshi-choshi chamubuza kushambala nerhu. Ebiblia ederhere: “Echinwa cha Mungu werhu chirhulaho esiku n’amango.”—Isaya 40:8.
HUMBA BWENENE
Jaga wayiga binene oku bilolere okuntu Mungu afuheraga abantu bayandike Ebiblia, gurhe ayilangire, na nka gurhe ajirire y’ehika ku buli muntu.
4. Ebiblia eyerekene nde Nyina-yo
Ziha EVIDEO. Naho osome 2 Timoteo 3:16, muje mwaganira kw’ebila bibazo.
-
Akaba bantu bayandikaga Ebiblia, chirhuma eja yayirikwa Chinwa cha Mungu?
-
Owazize oku biyunvikene okuyemera ku Mungu akafuhera abantu bayandike amawazo mage si?
Omukulu akabwira omukozi wage amuyandikire amaruba, anayinja amubwira eby’ayandika. Oburhumwa burhaba b’owayandikaga, si b’olala wamubwiraga eby’ayandika. Konakuguma, abantu babayandikaga Ebiblia, sy’oburhumwa buli mo, bwarhengaga emwa Mungu
5. Ebiblia yafumire birhero binene
Akaba Ebiblia erhengerere emwa Munugu, anakwanene ayilange. Kurhenga mira, ey’abantu baherhe oburhwali bali balwisa bayizimye erhachibagaho. N’abakulu b’amadini nabo bayinja bachihangana kuyibisha abantu. Aliko chiro akaba ku baliri bapingwa loshi, bantu banene bayemerere ahubwe bafe, chaziga balange Ebiblia. Y’oyiga oku bilolere muguma mw’abola bantu, ziha EVIDEO, muje mwaganira kw’ebila bibazo.
-
Okumenya ebila byoshi byajirirwe ye Biblia elangwa, kurhakuhere enyorha y’okuyisoma si? Bulagurhe?
Osome Zaburi 119:97, muje mwaganira kw’echila chibazo:
-
Bichi byashunikaga bantu banene bayemere chiro ahubwe bafe, chaziga batafsiri banagabire abandi Ebiblia?
6. Echitabu ch’abantu boshi
Ebiblia ch’echitabu chatafsirirwe n’okugabirwa abantu bwenene kulusha echindi chitabu chachigerere kubaho. Osome Matendo 10:34, 35, muje mwaganira kw’ebila bibazo:
-
Bulagurhe Mungu alonzeze Echinwa chage chitafsiribwe chinagabirwe abantu bwenene ntyo?
-
Bichi oyunvirhe bikusimisize oku bilolere Ebiblia?
Hofi
100%
y’abantu balamire oku gulu
bakasoma Ebiblia omu lulimi bayunva
Ebonekene mu ndimi
3 000
na kurhalusya.
Yoshi, changwa echigabi
5 000 000 000
l’oluganjo lwe Biblia zakaba zakulirwe kugera buno
Nta chindi chitabu choshi-choshi chiyihikireko
HALI ABANTU BANADERHA: “Ebiblia chili chitabu cha mira chayandikwaga n’abantu.”
-
Gurhe woyo owazize?
-
Byemezo bihe biyerekene kwe Biblia chili Chinwa cha Mungu?
OKU BUGEKE
Ebiblia chili Chinwa cha Mungu, anachihanganire chihike oku bantu boshi.
Rhuchiyibusye
-
Amango rhwamaderha oku Mungu afuheraga abantu bayandike Ebiblia, eyi bichi rhwamaderha?
-
Bichi bikusimisize oku bilolere okuntu Ebiblia yalangirwe, yatafsirirwe, yanagabirwa abantu?
-
Bulala okala omenyere oku ntyo ku Mungu achihanganire y’akuderhesa, gurhe ojire wachiyunva?
EYINDI MYAZI
Osome oku bilolere engani ye Biblia; kurhenga oku mandiko mayandikwaga n’efune, kugera oku tafsiri za buno.
Lola gurhe Ebiblia yafumaga birhero bisharhu byakayizimizye.
“Ebiblia Yafumire Birhero Binene” (Omunara g’Omulanzi Ni. 4 2016)
Lola obuhanya abantu bachirhegezagamo chaziga batafsiri Ebiblia.
Ebiblia yahamisizwe n’okuyitafsiri turu zinene. Bichi byakaja byakuyemeza ok’oburhumwa buli mo burhahindamulwaga?
“Ebiblia Yahindamwirwe, changwa Yarhoberwe Si?” (Mwazi guli oku jw.org)
a Nk’oku nji rhwabona omu somo lya 7, eroho lichesibwa eli misi Mungu anakolesa.
