SOMO LYA 06
Gurhe Akalamo Karhonderaga?
“Emunda [Mungu] ali y’eshoko y’akalamo.” (Zaburi 36:9) Obiyemerere si? Bantu baguma banawaza kw’akalamo kafaga kuchihiraho si ntaye wakalemaga. Nk’obola bubere bukweri, eyi k’okuderha oku rhwafaga cha kuzinda eyi rhwabereho. Aliko akaba Mungu yi warhonderesaga akalamo, akwanene kuba ey’aliherhe omuhigo. Arhali ntyo? a Lolaga ebye Biblia ederhere oku bilolere omurhangiro gw’akalamo, na bulagurhe rhwakachizera kw’ebyola ederhere buli bukweri.
1. Gurhe egulu n’amahanga moshi byabagaho?
Ebiblia ederhere: “Oku murhangiro Mungu alema embingu n’egulu.” (Mwanzo 1:1) Basomi banene banayemera oku amahanga maherhe omurhangiro. Gurhe Mungu abilemaga? Akolesaga emisi anakolesa; k’okuderha eroho lichesibwa, omu kukola byoshi biba omu mahanga bihirirwe mw’amagalagsi, enyenyezi, n’amaplanete.—Mwanzo 1:2.
2. Bichi byarhumaga Mungu alema egulu?
Yehova “arhafaga chakulema [egulu] oku busha, s’alikolaga yi lilamwako.” (Isaya 45:18) Yehova akolere egulu alijira hantu hakwirire abantu bakabegera esiku n’amango. (Osome Isaya 40:28; 42:5.) Esiyanse eyerekene kw’egulu liba likwirire bwenene kulusha amandi maplenete moshi. Yonyine ye planete abantu bakagala kulamako.
3. Bichi birhumire abantu barhali kuguma n’enyama?
Yehova amalire kukola egulu, ahira kw’ebilemwa bilamire. Arhanga kuliyunjuza kw’emirhi n’enyama. Naho, “Mungu alema omuntu oku shusho lyage.” (Osome Mwanzo 1:27.) Bichi abantu balushire ebindi bilemwa? Bula Mungu arhulemere oku shusho lyage, rhuherhe obuhashe b’okuyerekana engeso zage; nk’obuzigire n’okunali. Arhulemere n’obuhashe b’okuyiga endimi, okusiimira ebintu bikwirire n’omuziki. Rhunalushire ebindi bilemwa byoshi-byoshi bulala rhwewe rhwakaharamya Omulemi werhu.
HUMBA BWENENE
Lolaga ebyemezo biyerekene oku akalamo kakolwaga n’okw’ebye Biblia ederhere oku bilolere obulemi bili by’okuli. Washuba kubona bichi engeso zinja abantu bajira zakarhuyigiriza oku bilolere Mungu.
4. Akalamo kalemwaga
Abantu banasingizwa oku bibajirire omu kulolera oku byalemerwe. Inde okwanene kuja asingizwa bwenene kw’ebyola banalalerako? Ziha EVIDEO, muje mwaganira kw’echila chibazo.
-
Bichi abantu bajirire omu kulolera oku byalemerwe?
Buli nju ejira owayichoraga anayiyumbaka. Bobo, inde wachoraga anayumbaka ebintu byoshi bibaho? Osome Waebrania 3:4, muje mwaganira kw’ebila bibazo:
-
Omu bintu byoshi byalemerwe, bichi binakusomeza?
-
Omuntu oherhe obwenge, k’akayemera okw’ebintu byoshi bibaho byalemwaga? Bulagurhe?
Walimenyere si?
Wakabona eyindi myazi n’evideo zishambere kw’ogula mwazi yi rhwaganirako oku jw.org omu chigabi ch’emyazi y’enkulikirane “Echi Chalemwaga Si?” na “Ebinaderhwa oku Bilolere Omurhondero gw’Akalamo.”
“Kweri, buli nju enayumbakwa na muntu mulebe, aliko owayumbakaga ebintu byoshi ali Mungu”
5. Ebye Biblia ederhere oku bilolere obulemi bili by’okuli
Omu Mwanzo sura 1, Ebiblia eyerekene omurhondero gw’egulu na byoshi bilamireko. Wakachizera ebyola ederhere, changwa eyi lugano konyine si? Ziha EVIDEO, muje mwaganira kw’ebila bibazo.
-
Ke Biblia eyigirize okw’egulu na byoshi bilamireko byalemwaga mu siku ndarhu za saa 24?
-
Owazize okw’ebye Biblia ederhere oku bilolere obulemi biyunvikene bunali bukweri si? Akaba nechi, bulagurhe? N’akaba nanga, bulagurhe?
Osome Mwanzo 1:1, muje mwaganira kw’echila chibazo:
-
Abasomi banaderha okw’amahanga maherhe omurhondero, nka gurhe ebyola banaderha bifarhene n’ebi rhwamamala kusoma omu Biblia?
Hali abantu banachibaza akaba Mungu akolesaga empindamuko omu kulema akalamo. Osome Mwanzo 1:21, 25, 27, muje mwaganira kw’ebila bibazo:
-
Ke Biblia eyigirize oku Mungu alemaga hintu higuma hityuli busha, ahileka hihanze hyachihindula hyaba ifi, hyaba nyama, naho hyahinduka muntu? Awo si, eyigirize ku Mungu alemaga “embero” zoshi zikulu z’akalamo? b
6. Abantu balushire ebindi byoshi Mungu alemere
Rhurhali kuguma n’enyama Mungu alemere. Osome Mwanzo 1:26, muje mwaganira kw’echila chibazo:
-
Bulala rhwalemerwe oku shusho lya Mungu, bichi obuhashe bwerhu b’okuyerekana obuzigire n’olukogo biyerekene oku bilolere oborhere bwa Mungu?
HALI ABANTU BANADERHA: “Ebye Biblia ederhere oku bilolere obulemi, luli lugano konyine.”
-
Gurhe woyo owazize? Bulagurhe?
OKU BUGEKE
Yehova yi walemaga amahanga na buli choshi chilamire.
Rhuchiyibusye
-
Ebiblia eyigirize ku gurhe egulu n’amahanga moshi byarhonderaga?
-
Ka Mungu alekaga embero zoshi z’akalamo ziyinje zachihindula kurhenga ku hintu higuma hityu-busha alemaga, changwa si alemaga embero zoshi?
-
Bichi abantu balushire ebindi byoshi Mungu alemere?
EYINDI MYAZI
Lola emifano y’ebintu biyerekene oku kweri hab’Omulemi.
Lola gurhe omuzere akayigiriza omugala oku bilolere obulemi.
Lola akaba hali ah’empindamuko ne Biblia byakabuganana.
“Mungu Akolesaga Empinda-muko omu Kulema Embero Zoshi z’Akalamo Si?” (Mwazi guli oku jw.org)
Ogerereze akaba amagufa ma mira, n’eby’esiyanse ederhere biyerekene oku akalamo kalemwaga awo kafaga kuchihiraho ntya-ntya.
Omurhondero gw’Akalamo—Bibazo Birhano Abantu Bakachibaza (bronshire)
a Esomo lya 25 nji lyayerekana bichi Mungu apangiire abantu.
b Omu Biblia, echinwa “lubero” chiyerekene echigusho chizibu-zibu ch’ebintu bilamire.
