Okuyiga Ebiblia luli nka lugenzi luherhe nyungu zinene. Aliko kandi, hali oku byakaba birhayorohere okulugendereza. Hali amango wakachibaza akaba kweri wanagala kugenderera kuyiga Ebiblia. Bulagurhe bili bya ngenzi ochihangane kugenderera? Bichi byakakurhabala ogenderere na chiro haba ebibazo?

1. Bulagurhe efunzo lye Biblia ligwerhe akachiro?

“Echinwa cha Mungu chilamire chinagwerhe emisi.” (Waebrania 4:12) Ebiblia egwerhe akachiro bulala eyerekene ebi Mungu anawaza n’okuntu anachiyunva eju yawe. Enarhurhabala rhugwarhe obumenyi b’okuli, obwengehe, n’obunihire. N’ech’akamaro bwenene, yakurhabala obe mwira wa Yehova. Amango oli wayiga Ebiblia ey’oli wayiyemerera ekwize akalamo kawe.

2. Bulagurhe bili by’engenzi okurhegeera akachiro k’obukweri buli omu Biblia?

Obukweri buli omu Biblia buli nka buhirhi bw’akachiro kanene. Che chirhumire Ebiblia erhuhirire omurhima “rhugule obukweri rhurhanahira rhukabuguza.” (Mezali 23:23) Amango rhwamayibuka akachiro k’obukweri buli omu Biblia, rhwanakola okwerhu koshi rhugalire yi rhugenderera kuyiga; na chiro rhwahurana ebibazo.​—Osome Mezali 2:4, 5.

3. Gurhe Yehova akakurhabala ogenderere kuyiga Ebiblia?

Yehova, Mulemi wawe ogala byoshi, kandi Mwira wawe, alonzeze akurhabale ogenderere kuyiga oku bimulolere. Akakuha “enyorha n’emisi y’okukola.” (Osome Wafilipi 2:13.) Bobuno, nka wamahika ahawaba okeneere oyongere obushiru bwawe b’okuyiga awo b’okukolesa eby’onayiga, akakurhabala. Akaba okeneere oyongererwe emisi y’okulwisa ebibazo n’obupinzani akakuhayo. Ogenderere kuhema Yehova omu sala akurhabale orhalekaga kuyiga Ebiblia.​—1 Watesalonike 5:17.

 HUMBA BWENENE

4. Ohebe efunzo lyawe lye Biblia oku fasi y’oburhanzi

Hali amango rhunaba eyi rhugwerhe binene by’okukola omu kalamo, omu kuntu byanashusha nka rhurhachigwerhe akasanzi k’okuyiga Ebiblia. Bichi byakakurhabala? Osome Wafilipi 1:10, muje mwaganira kw’ebila bibazo:

• Bichi owazize oku nabyo bili omu “bintu by’akachiro bwenene” omu kalamo?

• Gurhe wakajira y’oyerekana ok’onahira efunzo lyawe lye Biblia oku fasi y’oburhanzi?

1. Nk’orhangire kuhira omuchanga omu mbegeti, okaja walonza kuhira mw’amabale, birhakachiyeneramo byoshi

2. Nk’orhangire kuhira mw’amabale, mwayorha ebyahu wakasheshera m’omuchanga. K’onakuguma, nk’ohirire “ebintu by’akamaro bwenene” oku fasi y’oburhanzi omu kalamo kawe, wagala kubiyeneza, onabone n’ebisanzi by’okukola ebindi

Efunzo lye Biblia linarhuha ebirhulagirire omu hali yerhu y’ekiroho; k’okuderha okumenya Mungu n’okumuharamya. Osome Matayo 5:3, muje muganira kw’echila chibazo:

• Nyungu ehe rhwankapata nka rhwamahira efunzo lyerhu lye Biblia oku fasi y’oburhanzi?

 5. Ogenderere chiro bakupinga

6. Olibirhire Yehova akugwase

 OKU BUGEKE

Chiro akaba oku amango moshi birhaba biyorohere, okuyiga Ebiblia kwakakurhabala osiimire akalamo esiku n’amango. Ogenderere kulangalira Yehova, nj’akuha oluhembo.

Rhuchiyibusye

• Onabona ok’okuli kwe Biblia kukuherhere akachiro bulagurhe?

• Nka gurhe “wakagenderera kurhegeera ebintu bili by’akamaro bwenene”?

• Bulagurhe bikuhemere oheme Yehova oburhabale y’ogenderera kuyiga Ebiblia?