Yehova aba Mungu onapanga ebintu bwinja. (1 Wakorinto 14:33) Bobuno rhwakanihira kw’abantu bage bakwanene kuba bapangirwe bwinja. Gurhe olubaga lwe Chikristu luba lupangirwe, na bichi nerhu rhwakajira omu kurhabala lugenderere kupangwa bwinja?

1. Inde y’erhwe ly’echibaga?

“Kristu y’erhwe ly’echibaga.” (Waefeso 5:23) Ayumangiire akasi k’abantu ba Yehova omu gulu lyoshi, ey’anali embingu. Yesu ashimikire “omuja mwimana onakengukire;” k’okuderha, chigusho chigeke ch’abashamuka bakulire ekiroho, banashuba kumenyikana oku zino lye Baraza Lirhambwire. (Osome Matayo 24:45-47.) Kuguma n’entumwa z’omu myaka 100 ya burhanzi haguma n’abashamuka b’omu Yerusalemu, Ebaraza Lirhambwire linahaana obwerekezi oku lubaga l’omu gulu lyoshi. (Matendo 15:2) Aliko arhali k’okuderha oku b’abarhegesi b’olubaga lwerhu. Banasoma Ebiblia yi bamenya bichi Yehova alonzeze bajirage, n’okukulikira obwerekezi bwa Yesu buzira bihage.

2. Kasi kachi abashamuka baherhe?

Abashamuka baba balume b’Abakristu bakulire ekiroho, banayigiriza ebirhengere omu Mandiko n’okulaanga abantu ba Yehova omu kubarhabala n’okubahira omurhima. Barhalipwa oku kasi banakola. S’ahubwe banakola “oku bulonza embere za Mungu; arhali omu kusima enyungu y’okulyongofa, sy’oku nyorha.” (1 Petro 5:1, 2) Abashamuka banarhabalwa n’abagwasi b’akasi. Nabo eyi bakaba bashamuka enyuma w’esiku.

Ebaraza Lirhambwire linashimika bashamuka baguma babe bemangizi b’emizunguluko. Banalambagirira ebibaga yi baha bene-berhu na bali-berhu obwerekezi n’okubahira omurhima. Abemangizi b’emizunguluko banashimika bene-berhu bayeneze eby’Amandiko mahemere babe bashamuka n’abagwasi b’akasi.​—1 Timoteo 3:1-10, 12; Tito 1:5-9.

3. Kasi kachi buli Muhamirizi agwerhe?

Buli yeshi omu chibaga “anakuuza ezino lya Yehova” omu kugeza ebipindi n’okushubiza oku mbuganano, n’omu kukola oku kasi k’amahubiri nk’okw’akanagala koshi.​—Osome Zaburi 148:12, 13.

 HUMBA BWENENE

4. Yesu ali mwerekezi mwinja orhankalola

Yesu arhuhere empamagalo nyinja bwenene. Osome Matayo 11:28-30, muje mwaganira kw’echila chibazo:

• Yesu ali mwerekezi nyabachi, na gurhe alonzeze rhuchiyunvage?

5. Abashamuka banayigiriza kugerera omufano gwabo

1. Abashamuka banagenderera kukomeza ehali yabo y’ekiroho, n’ey’emilala yabo

2. Abashamuka banashishikala boshi bali omu chibaga

3. Abashamuka banahubiri oku kahunda

4. Abashamuka baba begiriza. Banakola n’oku busafi, n’amandi makasi

 6. Rhwakakola omu bunvikane haguma n’abashamuka

Ebiblia erhuyerekere empanvu y’akachiro y’okukola omu bunvikane haguma n’abashamuka. Osome Waebrania 13:17, muje mwaganira kw’ebila bibazo:

• Ka bifarhene n’obwenge okubona Ebiblia erhuhirire omurhima rhukenge, rhunachichimye embere za balala bali bayerekeza? Akaba nechi, bulagurhe? N’akaba nanga, bulagurhe?

Osome Luka 16:10, muje mwaganira kw’echila chibazo:

• Bulagurhe kuli kwinja okukola omu bunvikane n’abashamuka chiro akaba oku rhwakawaza ku ntacho bivire byamala?

 OKU BUGEKE

Yesu y’erhwe ly’echibaga. Rhusimire bwenene okukola haguma n’abashamuka bali bakola omu bwerekezi bwage, bulala banarhuhira omurhima n’okurhuyigiriza kugerera omufano gwabo.

Rhuchiyibusye

• Inde y’erhwe ly’echibaga?

• Nka gurhe abashamuka banarhabala echibaga?

• Kasi kachi buli mukozi wa Yehova agwerhe?