SOMO LYA 25
Bichi Mungu Arhupangiire?
Ebiblia ederhere oku akalamo k’omuntu kaba kayufuhire kanayunjwire mw’emilago.’ (Yobu 14:1) Ka bi Yehova anaba arhulonzeze ebyola? Akaba nanga, bichi si arhupangiire? Ebyapangire nji byanaba si? Lola ebishubizo bye Biblia bihirire omurhima.
1. Kalamo kali gurhe Yehova asimire rhulamage?
Yehova asimire rhugwarhe akalamo kenja koshi kakabaho. Amango alema abantu b’oburhanzi, k’okuderha Adamu na Eva, abahira omu paradizo nyinja bwenene, ebustani ye Edeni. Naho “Mungu abagisha, n’okubabwira: ‘muburhe muyololoke, muyunjuze egulu munalirhegeke.’” (Mwanzo 1:28) Yehova alilonzeze baburhe abana, bajire egulu lyoshi paradizo, banashishikale enyama. Omuhigo gwage gwaliri oku abantu bagwarhe amagala menja banasimire akalamo esiku n’amango.
Chiro akaba ebintu birhagendaga nk’oku alisimire, a ogola mupango gwa Mungu gurhahindamukaga. (Isaya 46:10, 11) Achilonzeze abantu bamukengere balame esiku n’amango omu hali zishinganene.—Osome Ufunuo 21:3, 4.
2. Nka gurhe rhwakagwarha akalamo kenja, kagwerhe echikamalire zene?
Yehova arhulemene “obulagirire bw’ekiroho,” k’okuderha enyorha y’okumumenya n’okumuharamya. (Osome Matayo 5:3-6.) Alonzeze rhugwarhe obwira bwa hofi-hofi naye, “okulambagira omu njira zage zoshi, okumuzigira,” rhunamukolere “n’omurhima [gwerhu] goshi.” (Kumbukumbu 10:12; Zaburi 25:14) Amango rhwamajira ntyo, kweri rhwagwarha obusime chiro rhwakaba rhugwerhe ebibazo. Amango yi rhwaharamya Yehova, rhunachiyunva kw’akalamo kerhu kaherhe echikamalire bula rhulamire nk’oku alonzeze.
HUMBA BWENENE
Jaga walola obuzigire bungana Yehova ayerekanaga amango arhurheganyiza egulu, ayandikisa ne Chinwa chage yi chirhuyigiriza rhugwarhe akalamo kaherhe echikamalire.
3. Yehova alonzeze abantu bagwarhe akalamo kenja
Ziha EVIDEO, muje mwaganira kw’echila chibazo.
-
Bulagurhe Mungu alemaga eyila planete yerhu nyinja ntya?
Osome Muhubiri 3:11, muje mwaganira kw’echila chibazo:
-
Bichi ebila bikuyigirize oku bilolere Yehova?
4. Omupango gwa Yehova gurhahindamukaga
Osome Zaburi 37:11, 29 na Isaya 55:11, muje mwaganira kw’echila chibazo.
-
Bichi birhuyemezeze k’omupango Yehova alirhuherheko gurhahindamukaga?
Enju yashandukire, yakashuba kukwizwa. Intyo kon’oko, egulu abantu babihizye, Mungu nji ashuba kulikwiziza balala bamuzigiire
5. Okuharamya Yehova kunarhuma akalamo kerhu kagwarha akachiro
Okumenya omuhigo gw’akalamo kwakarhulerhera obusime. Ziha EVIDEO, muje mwaganira kw’echila chibazo.
-
Nka gurhe Terumi aliyungukire amango ayiga oku bilolere omuhigo gw’akalamo?
Osome Muhubiri 12:13, muje mwaganira kw’echila chibazo:
-
Bulala Yehova arhukolere bingana ahala, bichi nerhu rhukwanene kuja rhwamujirira?
HALI OWAKABAZA: “Omuhigo gw’akalamo guli guhe?”
-
Gurhe wakashubiza okubazize ntyo?
OKU BUGEKE
Yehova alonzeze rhusimire akalamo esiku n’amango omu hali zishinganene hanola oku gulu. Amango rhwamamuharamya n’omurhima gwerhu goshi, akalamo kerhu kaba eyikaherhe echikamalire—chiro na zene.
Rhuchiyibusye
-
Bichi Yehova alipangiire Adamu na Eva amango abalemaga?
-
Bichi birhuyemezeze ok’omupango gwa Mungu oku bantu gurhahindamukaga?
-
Gurhe wakajira y’ogwarha akalamo kagwerhe echikamalire?
EYINDI MYAZI
Lola ebyemezo biyerekene oku kweri ebustani ye Edeni yaliriho.
Lola bulagurhe rhwakachizera oku kweri egulu lyarhulaho esiku n’amango.
Lola ebye Biblia ederhere oku bilolere oku wakagwarha akalamo kaherhe echikamalire.
Lola echi mulume muguma arhaligwerhe chiro akaba aliri awaza oku lero ntacho abulire.
a Omu somo likulikire, nji wabona bichi byavurugaga omupango gwa Mungu.
