SOMO LYA 28
Oyerekane Eshukrani oku Bi Yehova na Yesu Bakujirire
Gurhe onachiyunva ey’omwira akuha oluhembo lukwirire bwenene? Inkabaga, onayunva obusime bunene, n’okulonza oyereke oyo mwira wawe oku wasimire bwenene oluhembo akuhere. Yehova na Yesu barhuhere oluhembo lunene bwenene kulusha zoshi rhwakahaabwa. L’oluhe olola? Na gurhe rhwakayerekana oku rhuherhe eshukrani bwenene kulo?
1. Njira nguma ehe rhwakayerekana mw’eshukrani oku bi Mungu na Yesu barhujirire?
Ebiblia elaganyize oku “buli yeshi wayerekana obwemere mu [Yesu]” akalama esiku n’amango. (Yohana 3:16) Okuyerekana obwemere k’okuderha gurhe? Kuderhere binene olekere okufa kugwarha obuyemere mu Yesu konyine. Bishubire rhuhema rhuyerekane obwemere kugerera ebirhunachishoga, n’ebirhunakola. (Yakobo 2:17) Amango rhwamayerekana obwemere bwerhu kugerera ebirhunakola n’ebirhunaderha rhwanakomeza obwira bwerhu haguma na Yesu, n’Eshe Yehova.—Osome Yohana 14:21.
2. Echihe ch’akamaro chinarhurhabala kuyerekana eshukrani oku bi Yehova na Yesu barhujirire?
Egolo ly’embere Yesu afe, abwira abanafunzi bage eyindi njira y’okuyerekana mw’eshukrani oku nchungu yage. Arhonderesa echihe ch’akamaro bwenene Ebiblia eyirikire “Bilyo by’Egolo bya Waliha,” kandi chinayirikwa Lwibuko l’olufu lwa Kristu. (1 Wakorinto 11:20) Yesu arhonderesaga echola chihe y’entumwa zage—n’Abakristu b’okuli boshi bakakulikireho—bagenda bayibuka okuntu ahaanaga akalamo kage enyanya zerhu. Oku bilolere echola chihe, Yesu ahaana erhegeko liderhere ntya: “Mugenderere kujira ntya omu kunyibuka.” (Luka 22:19) Amango wamagera oku lwibuko eyi wamayerekana ok’oherhe eshukrani oku buzigire bunene Yehova na Yesu barhuherheko.
HUMBA BWENENE
Lola ezindi njira rhwakayerekana mw’eshukrani oku buzigire Yehova na Yesu barhuyerekere; olole n’akachiro k’Olwibuko l’olufu lwa Kristu.
3. Eshukrani enarhushunika oku bijiro
Waza ok’omuntu akakuyokola ey’oli wazika. Ka wakayibagira ech’oyola muntu akujirire, changwa si wakalonza gurhe wamuyereka ok’ogwerhe eshukrani oku ach’akujirire?
Akalamo kerhu rhukwanene rhukahe Yehova. Osome 1 Yohana 4:8-10, muje mwaganira kw’ebila bibazo:
-
Bulagurhe enterekero ya Yesu luli luhembo lw’akamaro bwenene?
-
Gurhe ochiyunvirhe oku bilolere ebi Yehova na Yesu bakujirire?
Gurhe wakayerekana eshukrani oku bi Yehova na Yesu bakujirire? Osome 2 Wakorinto 5:15 na 1 Yohana 4:11; 5:3. Mumala kusoma buli lwandiko muganire kw’echila chibazo:
-
Nk’ok’olula lwandiko luderhere, bichi rhwakajira omu kuyerekana eshukrani?
4. Oyiganye Yesu
Eyindi njira wakayerekana mw’eshukrani, kuli kuyiganya Yesu. Osome 1 Petro 2:21, muje mwaganira kw’echila chibazo:
-
Mu njira zichi wakakulikira mw’ebishado bya Yesu bwinja-bwinja?
Yesu alisimire Echinwa cha Mungu, ahubiri emyazi minja, n’okurhabala abandi
5. Oje oku Lwibuko l’olufu lwa Kristu
Y’obona ebyabaga amango m’Ebilyo by’Egolo bya Waliha birhanzi, osome Luka 22:14, 19, 20. Muje mwaganira kw’ebila bibazo:
-
Gurhe byaliri oku Bilyo by’Egolo bya Waliha?
-
Bichi omugati n’edivayi bishushanyize?—Olole See omustari gwe 19, 20.
Yesu alilonzeze abanafunzi bage bagende bajira Ebilyo by’Egolo bya Waliha liguma omu mwaka omu kuyibuka olufu lwage. Bobuno, abahamirizi ba Yehova banabuganana liguma omu mwaka omu kuyibuka olufu lwa Kristu nk’okuntu anayerekanaga lukwanene lujirwe. Y’oyiga binene oku bilolere eyila mbuganano y’akamaro, ziha EVIDEO. Muje mwaganira kw’echila chibazo.
-
Gurhe binaba oku Lwibuko?
Omugati n’edivayi eba mifano. Omugati gushushanyize omubiri gushinganyanya g’obunyamuntu gwa Yesu arherekeraga eju yerhu. Edivayi eshushanyize eshagama yage
HALI ABANTU BANADERHA: “Okwanene oyemere Yesu konyine, ntachindi.”
-
Gurhe wakakolesa olwandiko lwa Yohana 3:16 na Yakobo 2:17 omu kuyerekana oku hali ebindi bihemerweho?
OKU BUGEKE
Rhunayerekana eshukrani oku bi Yesu arhujirire omu kugwarha obwemere muye, n’okuja oku Lwibuko l’olufu lwage.
Rhuchiyibusye
-
Okuyerekana obwemere mu Yesu k’okuderha gurhe?
-
Gurhe wakasima oyerekane eshukrani yawe oku bi Yehova na Yesu bakujirire?
-
Bulagurhe bili by’akamaro bwenene okuja oku Lwibuko l’olufu lwa Kristu?
EYINDI MYAZI
Bichi olufu lwa Kristu lurhushunikire kujira?
Yiga binene oku bilolere obwemere na gurhe rhwakabuyerekana.
“Oyerekane Obwemere omu Bilagane bya Yehova” (Omunara g’Omulanzi, Mwezi gwe 10, 2016)
Omu ngani “Inchiyunvirhe Inkala Nchere, Indamire, Inanyenere,” lola gurhe akalamo ka mukazi muguma kahindamukaga amango ayiga eby’enterekero ya Kristu emumaliire.
“Ebiblia Enahindamula Akalamo k’Abantu” (Omunara g’Omulanzi Lusiku 1, Mwezi gwa 1, 2011)
Lola bulagurhe bantu bageke babanalya omugati n’okunywa edivayi oku Lwibuko.
