SOMO LYE 16
Bichi Yesu Alikolere Amango Aliri oku Gulu?
Bantu banene banarhola Yesu nka kabonjo karhakachimalira chintu, nka mulebi oyengehere, awo nka muntu oli bufa konyine. Aliko si, okugerereza ebi Yesu ajiraga amango aliri oku gulu kwakarhuyigiriza binene oku bimulolere? Mw’elila somo rhwabona biguma omu bintu by’akamaro bwenene Yesu alijirire na bichi byakakumalira.
1. Kasi kahe kakulu Yesu aliri akola?
Akasi kakulu ka Yesu kwaliri “kumenyesa emyazi minja y’Obwami bwa Mungu.” (Osome Luka 4:43.) Aliri ahubiri oku Mungu akashimikire obwami, changwa oburhegesi bwakamalire ebibazo byoshi by’abantu. a Yesu alimalire myaka esharhu n’enusu ey’ali ahaana obola burhumwa buzira kuluha.—Matayo 9:35.
2. Charhumaga Yesu agenda akola ebisomerene?
Ebiblia eyerekene ‘emilimo minene y’emisi, ebisomerene, n’ebimenyeso Mungu ajiraga kugerera Yesu.’ (Matendo 2:22) Kugerera emisi ya Mungu, Yesu agala kurhulezya echiyaga, alisa ebihumbi by’abantu, afumya abalwala, afula chiro n’abafire. (Matayo 8:23-27; 14:15-21; Marko 6:56; Luka 7:11-17) Ebisomerene Yesu ajiraga byaliyerekene bwinja oku Mungu yi wamurhumaga. Byanaliyerekene oku Yehova aherhe obuhashe b’okumala ebibazo byerhu byoshi.
3. Okuntu Yesu alilamire kwakarhuyigiriza bichi?
Yesu aliri akenga Yehova mu buli hali yoshi. (Osome Yohana 8:29.) Na chiro akaba alihurene obupinzani, Yesu agenderera kuchihangana kukola oku bwimana eby’Eshe alimuhemere ajire byoshi, kugera oku lufu. Nantyo ayerekana oku byakashobokana abantu bakolere Mungu oku bwimana chiro baba bali omu hali zikomere. Arhulekere “olwiganyo yi rhukulikira ebishando byage bwinja-bwinja.”—1 Petro 2:21.
HUMBA BWENENE
Lolaga gurhe Yesu aliri ahubiri emyazi minja n’okuntu aliri ajira ebisomerene.
4. Yesu aliri ahubiri emyazi minja
Yesu alilambagire amagana m’ebilometre omu mabarabara mali m’oluchuchu, ey’ali agenda ahubiri emyazi minja oku bantu banene nk’oku byakashobokana. Osome Luka 8:1, muje mwaganira kw’ebila bibazo:
-
Yesu aliri ahubiri konyine abantu bachigushire bamuyunvirize si?
-
Kangana gurhe Yesu alichihanganire y’abona abantu?
Mungu abaga aderhere oku Masiya akahubirire emyazi minja. Osome Isaya 61:1, 2, muje mwaganira kw’ebila bibazo:
-
Nka gurhe Yesu aliyeneze obula bulebi?
-
Owazize kw’abantu ba mu zino siku bakenere okuyunva obola burhumwa si?
5. Yesu aliyigirize obukweri buherhe akachiro
Olekere okuhubiri emyazi minja y’Obwami bwa Mungu, Yesu aliyigirize empanulo zinja z’okukolesa omu kalamo. Lola ziguma muzo zili omu Mahubiri mage m’Okumusozi mamenyikene bwenene. Osome Matayo 6:14, 34, na 7:12, muje mwaganira kw’ebila bibazo:
-
Mpanulo zihe zakarhabala abantu Yesu ahaanaga zili mw’amala mandiko?
-
Owazize kw’ezila mpanulo zichiherhe echi zimalire zene si?
6. Yesu alikolere ebisomerene
Yehova alihere Yesu obuhashe b’okukola ebisomerene binene. Y’obona chiguma mubyo, osome Marko 5:25-34 awo ziha EVIDEO. Muje mwaganira kw’ebila bibazo.
-
Nk’oku wabwene omu video, bichi oyula mukazi w’omulwala alichizerere?
-
Bichi bikusimisize mw’echola chisomerene?
Osome Yohana 5:36, muje mwaganira kw’ebila bibazo:
-
Ebisomerene bya Yesu ‘bihaanire buhamirizi’ buhe, changwa biyemezeze bichi oku bimulolere?
Walimenyere Si?
Ebinene omu birhumenyere oku bilolere Yesu birhengerere mu bitabu bine bye Biblia biyirikwa Enjili; Matayo, Marko, Luka, na Yohana. Buli mwandisi we Enjili, hali ebyaliyandikire oku bilolere Yesu ababo barhayandikaga. Omu kuja rhwabihira haguma byanayerekana akalamo ka Yesu omu bulyo busomeze.
-
MATAYO
Yiwarhangaga kuyandika Enjili yage. Aliderheere bwenene enyigirizo za Yesu, n’ ahanene ebi Yesu aliyigirize oku bilolere Obwami bwa Mungu.
-
MARKO
Yiwaliyandikire Enjili eyufuhire. Ebalire ebisomezo binene byalibere omu kuntu kushagalusize.
-
LUKA
Arhuyerekere bwinja okuntu esala chaliri chintu ch’akamaro bwenene omu kalamo ka Yesu, n’okuntu aliri akolera abakazi.
-
YOHANA
Arhubishulire binene oku bilolere oborhere bwa Yesu omu kuyerekana enganiro zinene yesu aliri ajira na bera-bage, n’abandi bantu.
HALI ABANTU BANADERHA: “Yesu aliri muntu mwinja konyine, nta chindi enyuma w’echo.”
-
Gurhe woyo owazize?
OKU BUGEKE
Yesu aliri ahubiri Obwami bwa Mungu, alikolere ebisomerene, anakenga Yehova mu buli hali.
Rhuchiyibusye
-
Kasi kahe kakulu Yesu aliri akola oku gulu?
-
Bichi ebisomerene bya Yesu biyerekene?
-
Mpanulo zihe Yesu alihaanire z’okukolesa omu kalamo ka buli lusiku?
EYINDI MYAZI
Mwazi guhe Yesu aliri aganirako ahanene?
“Obwami bwa Mungu—Akachiro Yesu Alibuhere” (Omunara g’Omulanzi, Lusiku 1 Mwezi gwe 10, 2014)
Lola bulagurhe rhwakachizera okw’ebisomerene Yesu ajiraga, kweri byanalibere.
“Ebisomerene bya Yesu—Bichi Byakakuyigiriza?” (Omunara g’Omulanzi, Siku 15 Mwezi gwa 7, 2004)
Lola gurhe mulume muguma ahindamulaga akalamo kage amango ayiga obulyo Yesu aliri akolera abandi bantu.
“Nta Windi Nalilagireko, Olekere Nyenyine” (Omunara g’Omulanzi, Lusiku 1 Mwezi gwe 10, 2014)
Lola eperu ly’ebintu by’akamaro Yesu akolaga bikulikirene nk’oku anayinjaga abikola.
“Ebihe Bikulu by’Akalamo ka Yesu k’Oku Gulu” (Tafsiri ya Ulimwengu mupya, Apandise A7)
a Esomo lya 31-33 nji zafasiriya binene oku bilolere Obwami bwa Mungu.