SOMO LYE 17

Gurhe Yesu Aba?

ZIHA

Gurhe Yesu Aba?

Okurhuli rhwayiga oku bilolere ebi Yesu aderhaga n’ebyalijirire amango aliri oku gulu, Ku rhwanarhegeera engeso zinja agwerhe zakarhuma rhwamuyegera, rhuyegere n’Eshe, Yehova. Zihe ziguma mw’ezola ngeso zage zinja? Gurhe rhwakayiganya Yesu omu kalamo kerhu?

1. Mu njira zihe Yesu ali kuguma n’Eshe?

Omu mbingu, Yesu alimalire amamiliyoni m’emyaka ey’ali alolereza Eshe w’obuzigire, n’okuyiga bintu binene kuye. (Osome Yohana 5:19.) Echola charhuma ayinja awaza, anachiyunva, n’okukola kuguma n’Eshe. Bulala Yesu aliyiganyize oborhere bw’Eshe oku bushinganyanya, aderha mpu: “Buli yeshi wambwene ey’anabwene Darha naye.” (Yohana 14:9) Ok’oli wayiga oku bilolere oborhere bwa Yesu, wamenya Yehova naye bwinja. Omufano, olukogo Yesu aherhe oku bantu luyerekene kangana gurhe Yehova akulagireko.

2. Nka gurhe Yesu aliyerekene okw’azigiire Yehova?

Yesu aliderhere ntya: “Y’egulu limenya oku nzigiire Darha, indi najira nk’oku Darha anantegekaga nkole.” (Yohana 14:31) Abere ali oku gulu, Yesu ayerekana oku azigiire Eshe bwenene omu kumukenga, chiro n’omu bisanzi byalimukomerere okujira ntyo. Kandi Yesu aliri asima kuganira oku bilolere Eshe n’okurhabala abantu bajire obwira haguma naye.—Yohana 14:23.

3. Nka gurhe Yesu aliyerekene okw’azigiire abantu?

Ebiblia ederhere oku Yesu ‘aliyunvirhe asimire abantu bwenene kulushiriza.’ (Mezali 8:31, Amahugulo m’eshishi) Aliyerekene obuzigire aherhe oku bantu omu kubahira omurhima n’okubarhabala buzira bwikazize. Alikolere ebisomerene biyerekene, arhali mp’obuhashe bwage bonyine si n’olukogo aherhe. (Marko 1:40-42) Alikoleere abantu oku bwinja na buzira kabolo. Ebinwa byage byaliri byarhuliriza n’okuhereza obunihire abantu b’emirhima minja baliri bamuyunviriza. Yesu aliyemerere alibuke n’okufa, eju y’obuzigire aherhe oku bantu boshi. Aliko ab’azigiire ahanene balala banakulikiza enyigirizo zage.—Osome Yohana 15:13, 14.

HUMBA BWENENE

Jaga wayiga binene oku bilolere oborhere bwa Yesu, okuntu wakayiganya obuzigire bwage, n’okuhaana kuguma naye.

4. Yesu azigiire Eshe

Omufano gwa Yesu gurhuyigirize okuntu rhwakayereka Mungu oku rhumuzigiire. Osome Luka 6:12 na Yohana 15:10; 17:26. Mumala kusoma buli lwandiko muganire kw’echila chibazo:

Omu kuyiganya Yesu, gurhe rhwakayerekana ku rhuzigiire Yehova?

Yesu alizigiire Eshe w’embingu anayinja amuganiiza buli mango kugerera esala

5. Yesu ajira olukogo oku bali omu bulagirire

Yesu aliri ahira eby’abandi balagirire embere w’ebyage. Chiro akaba achokere, Yesu aliri akolesa emisi n’ebisanzi byage omu kurhabala abantu. Osome Marko 6:30-44, muje mwaganira kw’ebila bibazo:

Mw’eyila ngani, njira zihe ziguma Yesu aliyerekenemo okw’alagire oku bandi?—Olole omustari gwa 31, 34, 41, na 42.
Bichi byaliri byashunika Yesu arhabale abantu?—Olole omustari gwa 34.
Bulala Yesu aliri ayiganya oborhere bwa Yehova, bichi ebila byoshi bikuyigirize oku bilolere Yehova?
Mu njira zihe ziguma rhwakayiganya m’olukogo Yesu aliherhe oku bandi?

6. Yesu anahaana

Yesu aliri ahaana chiro akaba oku arhaliherhe bintu binene by’omubiri, anarhuhira omurhima nerhu rhugende rhwahaana. Osome Matendo 20:35, muje mwaganira kw’echila chibazo:

Nk’oku Yesu aderhaga, gurhe rhwakagwarha obusime?

Ziha EVIDEO, muje mwaganira kw’echila chibazo.

VIDEO: “Hali Busime Bunene Omu Kuhaana”—Akachira (4:00)

Mu njira zihe ziguma rhwakaha mw’abandi chiro akaba oku rhurhaherhe birugu binene?

Walimenyere si?

Ebibliya erhuyigirize rhusalire Yehova omu zino lya Yesu. (Osome Yohana 16:23, 24.) Amango rhwamasalira ntyo, rhwanayerekana oku rhuherhe eshukrani oku bi Yesu ajirire omu kurhurhabala rhube bera ba Yehova.

HALI ABANTU BANADERHA: “Mungu arhalaga n’amalibuko merhu.”