SOMO LYA 35

Okuntu Wakarhola Esimikiro Zinja

ZIHA

Rhweshi hali aharhunagera byanahema rhurhole esimikiro (edesiziyo). Esimikiro zoshi rhunarhola zakarhuhumako kubi changwa bwinja, zakahuma n’oku bwira bwerhu haguma na Yehova. Omufano, rhwakarhola esimikiro oku bilolere ngahe rhwalama, akasi rhwakola yi rhupata efuranga rhukenere, changwa okujira obuhya. Amango rhwamarhola esimikiro zinja, rhwakagwarha akalamo kali m’obusime kanasimisize Yehova.

1. Gurhe wakakolesa Ebiblia y’ekurhabala kurhola esimikiro zinja?

Embere orhole esimikiro, orhange osalire Yehova onalole omu Chinwa chage Ebiblia gurhe anabona echola chintu. (Osome Mezali 2:3-6.) Mu bintu biguma Yehova ahaanire amarhegeko mahundukire. Nka ntyo ku bili, okurhola esimikiro y’okukenga echi Yehova aderhere, che chintu chinja wakachishoga.

Bobuno si gurhe rhwakajira nka nta marhegeko me Biblia mahundwire echi rhukwanene kukola? Yehova agenderera kukuyerekeza “omu njira okwanene kulambagiramo.” (Isaya 48:17) Nka gurhe? Hakaba amakanuni makakuyerekeza. Amakanuni me Biblia buba bukweri b’omusinji bunayerekana okuntu Mungu anawaza n’okw’anachiyunva. Rhuzigana kumenya okuntu Mungu anachiyunva amango rhwamasoma ngani nguma omu Biblia. Nka rhwamarhegera gurhe Yehova anachiyunva, rhwakachishoga kujira ebyakamusimisa.

2. Bichi okwanene kuwazako embere orhole esimikiro?

Ebiblia ederhere: “Omwikenzi analolereza buli ntambu yage.” (Mezali 14:15) K’okuderha kw’embere rhurhole esimikiro yoshi-yoshi, bihemere rhurhange rhurhole akasanzi k’okuwaza oku birhwachishoga. Omu kulolereza buli hali ochibaze, ‘kanuni kahe ke Biblia kakakoleswa ahala? Mw’ebila byoshi bichi byarhuma nayorhana omurhula omu bwenge? Esimikiro yani, gurhe yahuma oku bandi bantu? N’ech’akamaro ku byoshi, yasimisa Yehova si?’—Kumbukumbu 32:29.

Yehova aherhe ehaki y’okurhubwira chihe chinja na chihe chibihire. Amango rhwamamenyerera amarhegeko n’amakanuni mage, rhukanachirhuma kumakulikira, rhwagwarha ezamiri echere. Ezamiri buli buhashe bwerhu bw’omundani bw’okurhegera echinja n’echibi. (Waroma 2:14, 15) Ezamiri yakoomezwe bwinja yarhurhabala rhurhole esimikiro zinja.

HUMBA BWENENE

Lola gurhe amakanuni me Biblia n’ezamiri binarhurhabala bwenene omu kurhola esimikiro.

3. Oleke Ebiblia ekuyerekeze

Gurhe amakanuni me Biblia makarhuyerekeza amango rhuli rhwarhola esimikiro? Ziha EVIDEO, muje mwaganira kw’ebila bibazo.

VIDEO: Leka Amakanuni me Biblia Makuyerekeze (5:54)

Obuhuru b’okuchishoga che chichi?
Bulagurhe Yehova arhuhere obuhuru b’okuchishoga?
Bichi arhuhere byakarhurhabala kukolesa obuhuru bwerhu b’okuchishoga bwinja nk’oku byakashobokana koshi?

Y’obona omufano gw’akanuni ke Biblia, osome Waefeso 5:15, 16. Naho muganire gurhe ‘wakakolesa akasanzi kawe bwinja’ y’ogala . . .

kusoma Ebiblia oku kahunda.
kuba mukazi awo mulume mwinja omu bunyumpa, muzere, musole, ao munyere mwinja.
kugera oku mbuganano z’echibaga.

4. Okoomeze ezamiri yawe kurhola esimikiro zinja

Amango amandiko mahanire erhegeko ku chintu chilebe, okuchishoga ech’omuntu ajira byakashusha nka biyorohere. Bobuno si gurhe byakaja byaba nka nta marhegeko mahundwire bwinja ebirhwakajira? Ziha EVIDEO, muje mwaganira kw’echila chibazo.

VIDEO: “Ogenderere Kugwarha Ezamiri Nyinja” (5:13)

Mw’eyila video, bichi mwali-werhu alijirire omu kukoomeza ezamiri yage kurhola esimikiro zisimisize Yehova?

Bulagurhe rhurhakwanene kubwira abandi barhurholere esimikiro rhwagenderako? Osome Waebrania 5:14, muje mwaganira kw’ebila bibazo:

Chiro akaba oku byakashusha nk’okubwira abandi barhurholere esimikiro k’okuyorohere, bichi rhukwanene kugala kutofautisha rhwewe rhwenyine?
Bichi biliho byakakurhabala kukoomeza ezamiri yawe n’okurhola esimikiro zinja?

Kuguma n’akarte k’ahantu, ezamiri yerhu enarhurhabala rhumenye ngahe rhwayerekeza omu kalamo

5. Okenge ezamiri z’abandi

Abantu barharhola esimikiro zili kuguma. Bobuno gurhe rhwakayerekana oku rhukengere ezamiri z’abandi? Waza kw’ezi hali ebiri:

Ehali 1: Mwali-werhu osima kuchipodowa bwenene, amahamira omu chibaga chihyahya ey’abalimo bowe banakwazika okubona omuntu achipodowa bwenene nka ntyo.

Osome Waroma 15:1 na 1 Wakorinto 10:23, 24, muje mwaganira kw’ebila bibazo:

Omu kukulikiza amala mandiko, gurhe oyu mwali-werhu akajira? Bichi wakajira nk’oli haguma n’omuntu ezamiri yage yiyabuza kujira echintu n’obo eyemwawe yowe erhakubuzize kuchijira?

Ehali 2: Mwene-werhu muguma ayinji kwe Biblia erhalahize okunywa amavu oku lugero. Aliko yewe achishogere okurhamanywa. Bamuhamagere aje kuchisimisa haguma n’abandi bene-berhu, anabona bowe yibanywa.

Osome Muhubiri 7:16 na Waroma 14:1, 10, muje mwaganira kw’ebila bibazo:

Omu kukulikiza amala mandiko, bichi oyo mwene-werhu akajira? Bichi wakajira nka wamabona abandi yibajira ebintu ezamiri yawe ekubuzize?

Bichi Byakakurhabala Kuyinja Warhola Esimikiro Zinja?

1. Oheme Yehova akurhabale kuchishoga echiwajira.—Yakobo 1:5.

2. Olonze omu Biblia n’omu bitabu byerhu biyimangiire oku Biblia amakanuni makakoleswa mw’eyo hali. Wakanashambala n’Abakristu bakulire ekiroho.

3. Owaze gurhe esimikiro warhola yahuma oku zamiri yawe n’ey’abandi.

HALI ABANTU BANADERHA: “Oherhe ehaki y’okukola eby’onalonzeze. Orhashibaga walaga n’eby’abandi bawaza”

Bulagurhe rhukwanene kuwaza gurhe Mungu achiyunva, chiro n’abandi bantu?

OKU BUGEKE

Rhunarhola esimikiro zinja amango rhwamawaza gurhe Yehova anachiyunva oku bintu bili nk’ebyo, n’okulola akaba zarhabala changwa zababaza abandi.

Rhuchiyibusye

Gurhe rhwakarhola esimikiro zisimisize Yehova?
Gurhe wakakoomeza ezamiri yawe?
Gurhe wakayerekana ok’okengere ezamiri z’abandi?

Esomo lihwere omu Siku:

Omuhigo

Owaze oku simikiro nji byakuhema orhole amango mayinjire. Olole gurhe wakakolesa empanulo zili omu chisanduku “ Bichi Byakakurhabala Kuyinja Warhola Esimikiro Zinja?”

Ogwindi Muhigo:

Your other goal