SOMO LYA 41
Bichi Ebiblia Ederhere oku Bilolere Echijiro ch’Obuhya?
Bantu banene banayunva eshonyi z’okuganira oku bilolere echijiro ch’obuhya. Aliko eye Biblia yowe yabiderhako, erhabisha chintu, aliko omu njira y’obukenge. Eby’ederhere birhuherhere enyuungu. Biyunvikene. Arhali Yehova ye mulemi werhu si? Amenyere bwinja ebyakarhulerhera enyuungu. Arhuyerekere nka gurhe ebijiro byerhu byakamusimisa, n’ebyarhurhabala rhusiimire akalamo esiku n’amango.
1. Mawazo machi Yehova agwerhe oku bilolere echijiro ch’obuhya?
Echijiro ch’obuhya luli luhembo lurhengere emwa Yehova. Alonzeze chishagalusye omulume n’omukazi bashabene. Olola luhembo lurharhabala konyine abashabene baburhe abana, si kandi lunabarhabala bayerekane oku basimene, bayerekane n’obuzigire buli muguma oku windi omu njira ekwanene enasimisize. Echinwa cha Mungu chiderhere: “Ochishinge n’omukazi w’obusole bwawe.” (Mezali 5:18, 19) Yehova alonzeze Abakristu bashabene babe bemana ku banyabana babo, na ntyo barhakagera embuga chiro.—Osome Waebrania 13:4.
2. Obumaguza bili bichi?
Ebiblia erhere oku “abumaguza . . . barhakashokola Obwami bwa Mungu.” (1 Wakorinto 6:9, 10) Aba yandikaga Ebiblia omu Chigiriki balikoleseze echinwa Porneiya omu kuderha oku bilolere obumaguza. Echola chinwa chiheberwe mo 1) obuhushi a ahakagarhi k’abantu barhashabene, 2) omulume walere n’owabo mulume changwa omukazi walere n’owabo mukazi, na 3) omuntu walere n’enyama. Rhunasimisa Yehova n’okuchilerhera enyuungu amango “rhwamachiyasa obumaguza.”—1 Watesalonike 4:3.
HUMBA BWENENE
Lolaga gurhe wakachiyasa obumaguza, n’enyuungu wakapata nk’ojirire ntyo.
3. Olibirhe obumaguza
Omulume mwimana waliyirikirwe Yusufu, alahiraga kujira obuhushi haguma n’omukazi walonzaga kumuseza. Osome Mwanzo 39:1-12, muje mwaganira kw’ebila bibazo:
-
Bichi byarhumaga Yusufu alibirha?—Olole omustari gwa 9.
-
Owazize okw’alirholere esimikiro nyinja si? Bulagurhe?
Nka gurhe emisole zene yakayiganya Yusufu omu kulibirha obumaguza? Ziha EVIDEO.
Yehova alonzeze buli muguma werhu ayake obubaraga. Osome 1 Wakorinto 6:18, muje mwaganira kw’ebila bibazo:
-
Bijiro bichi byakayerekeza omuntu ewakujira obubaraga?
-
Nka gurhe wakalibirha obubaraga?
4. Wakahima amashumi makarhuma wabaraga
Bichi byakarhuma byakomerera omuntu okuhima amashumi m’obubaraga? Ziha EVIDEO, muje mwaganira kw’ebila bibazo.
-
Amango mwene-werhu rhubwene mw’eyila video arhegeeraga kw’amawazo n’ebijiro byage byarhuma arhayorha mwimana ku mukage, bichi alijirire?
Chiro n’Abakristu bimana, mango maguma banalwisa bwenene y’amawazo mabo mayorha machere. Gurhe wakajira y’orhagenderera kuwaza oku by’obumaguza? Osome Wafilipi 4:8, muje mwaganira kw’ebila bibazo:
-
Bintu nyabachi rhukwanene kuwazako?
-
Nka gurhe okusoma Ebiblia n’okugenderera kugwarha binene by’okukola omu kasi ka Yehova kwakarhurhabala kuhima amashumi m’okujira echaha?
5. Amakanuni ma Yehova marhuherhere enyuungu
Yehova amenyere ebyakarhulerhera enyuungu. Arhuyerekere nka gurhe rhwakayaka obubaraga, n’obunguke rhwakapata nka rhujirire ntyo. Osome Mezali 7:7-27 awo ziha EVIDEO, muje mwaganira kw’ebila bibazo.
-
Nka gurhe oyula murhabana aliri achiheka omu mashumi?—Olole Mezali 7:8, 9.
-
Nk’oku Mezali 7:23, 26 ederhere, obubaraga bwakalerha engaruka zibi. Bibazo bihe rhwakachiyasa nka rhwamalibirha obubaraga?
-
Nka gurhe okuyaka obubaraga kwakarhurhabala rhusiimire akalamo esiku n’amango?
Hali abantu banawaza okw’ebye Bibilia ederhe oku bilolere omulume okulala n’omulume, n’omukazi okulala n’omukazi, mpu birhali mu buzigire. Aliko kweri, Yehova Mungu w’obuzigire, alonzeze buli yeshi asiimire akalamo esiku n’amango. Yi rhugwarha akola kalamo, bihemere rhulame nk’okw’amakanuni mage maderhere. Osome 1 Wakorinto 6:9-11, muje mwaganira kw’echila chibazo:
-
K’omulume okulala n’owabo mulume, n’omukazi n’owabo mukazi, chonyine chijiro chinagayisa Mungu?
Buli muguma werhu akwanene ahindamuke y’asimisa Mungu. Lero si, ka bihemere okuchihangana? Osome Zaburi 19:8, 11, muje mwaganira kw’ebila bibazo:
-
Owazize kw’amakanuni ma Yehova marharhushwekere si? Akaba nechi, bulagurhe? N’akaba nanga, bulagurhe?
Yehova arhabere bantu banene bagale kukulikira amakanuni mage. Nawe akakurhabala
HALI ABANTU BANADERHA: “Echijiro ch’obuhya chiyemererwe; bafiba bantu babiri basimene.”
-
Bichi wakabwira omuntu oderhere ntyo?
OKU BUGEKE
Obuhushi luli luhembo Yehova ahere omulume na mukage lubashagalusye.
Rhuchiyibusye
-
Obumaguza buheberwe mu bichi na bichi?
-
Bichi byarhurhabala rhuyake obubaraga?
-
Bichi rhwakayunguka nka rhwamakulikira amakanuni ma Yehova maderheere echijiro ch’obuhya?
EYINDI MYAZI
Lola bulagurhe Mungu ahemere omulume n’omukazi balonzeze kulama haguma, barhange bashabane.
“Bichi Ebiblia Ederhere oku Bilolere Okulama Haguma Buzira Kushabana?” (Mwazi guli oku jw.org)
Lola bulagurhe amakanuni me Biblia malolere omulume okulala n’owabo mulume n’omukazi okulala n’owabo mukazi, marhaderhere mpu rhubashombe.
“Omulume Okulala n’Omulume n’Omukazi Okulala n’Omukazi, Kuli Kubi Si?” (Mwazi guli oku jw.org)
Soma oyunve bulagurhe amakanuni ma Mungu malolere ebijiro by’obumaguza byoshi, marhulangire.
“Obuhushi b’omu Bunu, Nabo Buli Buhushi Si?” (Mwazi guli oku jw.org)
Omu mwazi gulolere ebyahikire abantu omu kalamo guderhere: “Balinyerekere Obukenge,” lola bichi byarhabalaga omulume waliri alala n’ababo balume ahindamule akalamo kage y’asimisa Mungu.
“Ebiblia Enahindamula Akalamo k’Abantu” (Omunara g’Omulanzi, Lusiku 1 Mwezi gwa 4, 2011)
a Obula buhushi bugayisize, buheberwe mu bijiro binene nka: Obubaraga, obuhushi b’omu bunu, obuhushi b’omu marhungu, n’okuhuma-huma oku chirumbu ch’obuzere ch’owindi muntu omu kumuzusizya enyorha y’obuhushi.
