SOMO LYA 44
Esiku Zikulu Zoshi Zinasimisa Mungu Si?
Yehova alonzeze rhusiimire akalamo, rhujire chiro n’efete mango maguma. Aliko si, k’efete n’esiku zikulu zoshi zinamusimisa? Nka gurhe rhwakayerekana ku rhuzigiire Yehova omu bilolere efete n’esiku zikulu?
1. Bulagurhe fete zinene zinagayisa Yehova?
Byakakusomeza okumenya oku, fete zinene ziyumangiire oku nyigirizo zirhali omu mandiko, awo oku ziherhe entangiriro y’echipagani. Efete zili nk’ezo, zakaba eyi zifarhene n’edini ly’obubeshi. Hali oku zakaba eyi zili mw’eby’obushake, changwa ey’ewazo likulu ziherhe lili oku; obuguma-guma burhafa. Mu fete ziguma muba emigenzo ebihire awo eby’okupima eragi. (Isaya 65:11) Yunva oku Yehova ahanwire abakozi bage: “Muchiyase . . . murhanahumaga oku chintu chirhachere.”—2 Wakorinto 6:17. a
2. Gurhe Yehova anachiyunva oku bilolere esiku zikulu zinaha abantu olukengo barhakwanene?
Yehova arhuhanwire rhurharhogeraga omu murhego g’okuhira ‘obunihire bwerhu omu bantu.’ (Osome Yeremia 17:5.) Hali siku zikulu ziguma zinaha abarhegesi olukengo. Ezindi ziba z’okusingiza ebishushanyo by’echihugo awo elipanda. (1 Yohana 5:21) Hali n’ezindi ziba z’ebyama by’epolitike changwa emilungano y’abantu. Gurhe Yehova akachiyunva nka rhwamaha olubaga changwa abantu olukengo barhakwanene, ahanene balala bali baderha ebipingene n’obulonza bwage?
3. Bichi byakarhuma efete yaba ey’erhakwanene?
Ebiblia elahize “okunywa kuchubusya olugero, efete zichubwise emipaka, n’okunywera obudambi.” (1 Petro 4:3) Ku fete ziguma, abantu banava bachisimisa kukabya, n’okujira kw’eby’obumaguza. Yi rhugenderera kuba bera ba Yehova, rhukwanene kuchiyasa bwenene ebyola bijiro bibi.
HUMBA BWENENE
Lola gurhe wakasimisa Yehova omu kurhola esimikiro ziyengehere oku bilolere esiku zikulu n’amafete
4. Olekane n’efete zinabulira Yehova obukenge
Osome Waefeso 5:10, muje mwagaira kw’ebila bibazo:
-
Bichi rhukwanene kumenya amango yirhwachishoga akaba rhwajira efete y’olusiku lukulu?
-
Siku zihe zikulu bazigana kujira ah’olamire?
-
Owazize ku zinasimisa Yehova si?
Omufano, wachigerere kuchibaza gurhe Yehova anabona esiku zikulu z’okuburhwa si? Nta mukozi wa Yehova chiro n’omuguma Ebiblia ederhere walijirire olusiku lukulu l’okuburhwa, aliko eshambere ku fete ebiri z’esiku zikulu z’okuburhwa zajirwaga n’abantu barhaliri bakozi ba Mungu. Osome Mwanzo 40:20-22 na Matayo 14:6-10. Naho, muganire kw’ebila bibazo:
-
Bichi byalibere kw’ezila siku zikulu zombi z’okuburhwa?
-
Nk’okw’ezila ngani ziyerekene, gurhe si ojire wawaza Yehova anachiyunva oku bilolere esiku zikulu z’okuburhwa?
Aliko hali oku wakachibaza, ‘Inkaja oku fete y’olusiku lukulu l’okuburhwa changwa eyindi-yindi erhayemererwe n’amandiko, bilolere Yehova si?’ Osome Kutoka 32:1-8. Naho ziha EVIDEO, muje mwaganira kw’ebila bibazo.
-
Bulagurhe rhukwanene kugerereza ebigayisize Yehova?
-
Nka gurhe rhwakajira ntyo?
Okuntu rhwakamenya okw’efete egayisize Mungu
-
Eyimangire oku nyigirizo zirhali omu maandiko si? Y’omenya bwinja ololereze entangiriro yayo.
-
K’ehere olubaga, ebishushanyo by’echihugo, changwa abantu olukengo barhakwanene? Rhunaha Yehova yenyine olukengo lw’enyanya, yi rhunalangalire oku nj’amala ebibazo by’abantu.
-
K’emigenzo n’ebi banakolako bipingene n’amakanuni me Biblia? Rhukwanene kuyorha rhuchere omu mawazo, omu luderho n’omu bijiro byerhu.
5. Orhabale abandi bakenge eby’oyemerere
Byakakukomerera okuyorha omu simikiro yawe amango bali bakuhidika oje omu fete zigayisize Yehova. Ofasiriye abandi esimikiro zawe kubuya-buya n’oku bwirhonzi. Y’obona omufano gwakakurhabala kujira nyto, ziha EVIDEO.
Osome Matayo 7:12, muje mwaganira kw’ebila bibazo:
-
Nk’ok’olula lwandiko luderhere, okwanene kubwira abantu b’omulala gwawe barhali bemezi mpu baleke kujira efete y’olusiku lukulu si?
-
Bichi wakajira y’oyemeza abantu b’omulala gwawe ok’obalagireko onabazigire, chiro akaba k’orhajira efete y’olusiku lukulu haguma nabo?
6. Yehova alonzeze rhugwarhe omwishingo
Yehova alonzeze rhuchishagalusye haguma n’abantu b’omulala gwerhu n’abera. Osome Muhubiri 8:15, muje mwaganira kw’echila chibazo:
-
Nka gurhe olu lwandiko luyerekene oku Yehova alonzeze rhugwarhe obusime?
Yehova alonzeze abantu bage bagwarhe obusime banachishagalusye haguma n’abandi. Ziha EVIDEO olole gurhe ebila binabonekana bwinja oku mbuganano zerhu zikulu.
Osome Wagalatia 6:10, muje mwaganira kw’ebila bibazo:
-
Rhukwanene kuja oku fete z’esiku zikulu yirhusimisa abandi si?
-
Kuhaana kuli gurhe kwakakulerhera omwishingo; okuyunva osezezwe kuhaana amango m’olusiku lukulu, changwa si nk’ohanire amango moshi-moshi olonzeze?
-
Bahamirizi banene banapanga okuchishagalusya haguma n’abana babo mu mango maguma, hali n’oku banalerherabo empembo omu kasanzi barhali wazize. Akaba oherhe abana, bichi obwene wakajirirabo byakabashagalusya?
HALI ABANTU BANADERHA: “Entangiriro y’olusiku lukulu nta chibazo egwerhe. Kali kasanzi k’okuchishagalusya n’abantu b’omulala n’abera.”
-
Gurhe wakashubiza oderhere ntyo?
OKU BUGEKE
Yehova alonzeze rhuchishagalusye haguma n’abantu b’omulala n’abera. Aliko kandi alonzeze rhuyake efete zirhamusimisize.
Rhuchiyibusye
-
Bibazo bihe wakachibaza y’omenya akaba efete esimisize Yehova ao nanga?
-
Gurhe rhwakarhabala abantu b’omulala n’abera bayunve bwinja amawazo merhu oku bilolere esiku zikulu?
-
Bichi birhuyerekere oku Yehova olonzeze rhugwarhe obusime rhunachishagalusye?
EYINDI MYAZI
Hala esiku zikulu Abakristu barhakwanene kujira.
“Bulagurhe Abahamirizi ba Yehova Barhajira Efete za Siku Zikulu Ziguma?” (Mwazi guli oku jw.org)
Lola mpanvu ene zirhuma rhwayemera oku efete y’olusiku l’okuburhwa enagayisa Mungu.
“Bulagurhe Abahamirizi ba Yehova Barhajira Efete y’Olusiku l’Okuburhwa?” (Mwazi guli oku jw.org)
Lola nka gurhe murhabana muguma aderheraga obuyemere bwage n’obushiru, amango baliri bamuseza oku masomo okw’aje omu fete ye Noweri.
Amamiliyoni m’Abakristu bachishogere okurhajir’e Noweri. Echola chinarhuma bachiyunva gurhe?
“Echintu Chinja Bwenene Kulush’e Noweri” (Omunara g’Omulanzi, Lusiku 1, Mwezi gwe 12, 2012)
a Olole Amahugulo ma 5 wabona ebi wakajira amango abandi bali omu siku zikulu.
