SOMO LYA 47
Okala Oli Tayari Kubatizwa Si?
Wayigire binene oku bilolere Yehova kugerera efunzo lyawe lye Biblia. Byakashobokana eyi hali ebi wahindamwire omu kalamo kawe omu kukolesa ebi wayigire. Aliko nkabaga hachili echintu chili chakubuza kuchihaana emwa Yehova n’okubatizwa. Mu linola somo, rhwashambala ku bibazo biguma binabuza banene kubatizwa, na gurhe wakabihima.
1. Bingana gurhe bikuhemere omenye embere obatizwe?
Y’ohikira obubatizo, bikuhemere ogwarhe “obumenyi b’okuli burhaherhe magosa.” (1 Timoteo 2:4) Arhali k’okuderha k’okwanene omenye echishubizo cha buli chibazo bakakubaza oku bilolere Ebiblia, embere obatizwe. Chiro n’Abakristu babatizwaga mira nabo banachigenderere kuyiga. (Wakolosai 1:9, 10) Aliko bikuhemere ogwarhe obumenyi b’omusinji bw’enyigirizo ze Biblia. Abashamuka b’echibaga bakurhabala kulola akaba oherhe obumenyi butosheze.
2. Bichi okwanene kujira embere obatizwe?
Embere obatizwe okwanene “ohungame . . . n’okuhindamuka.” (Osome Matendo 3:19.) K’okuderha okuyunva obabere eju y’ebyaha byoshi wajirire n’okuhema Yehova akubabalire. Bishubire kuhema olekane loshi-loshi n’ebijiro byawe bibi, n’okuhigirira kulama omu kuntu kusimisize Mungu. Echindi, orhondere kukola oku makasi moshi m’echibaga nk’okuja oku mbuganano, n’okuba muhubiri orhaza kubatizwa.
3. Bulagurhe orhakwanene kuyemera obuba bukubuze kubatizwa?
Hali abanayinja bayubaha oku barhagala kukola byoshi balaganyize Yehova. Omu kuderha okuli, hali amango maguma-maguma wakagosa, nka kulala byanaliri byabera abalume n’abakazi b’obwemere ba mira baderherwe omu Biblia. Yehova arhanihire mpu abakozi bage babe bashinganyanya. (Osome Zaburi 103:13, 14.) Anachiyunva asimire ey’abona wajirire okwawe koshi! Bobo akurhabala. Anarhubwirire oku nta chintu chiro “chagala kurhucha oku buzigire [bwage].”—Osome Waroma 8:38, 39.
HUMBA BWENENE
Lola nka gurhe wakagala kuhima buli chibazo chakakubuza kubatizwa omu kumenya Yehova bwinja, n’okuyemera akurhabale.
4. Ochihangane kumenya Yehova bwinja
Kangana gurhe bihemere omenye Yehova embere obatizwe? Bihemere omumenye kuhika aha wayunva omuzigire, n’okujira ebi musimisize. Ziha EVIDEO olole nka gurhe abanafunzi be Biblia b’omu gulu lyoshi bajirire ntyo. Naho muje mwaganira kw’echila chibazo.
-
Nk’oku wabwene omu video, bichi byarhabalaga baguma kuchirheganya oku bubatizo?
Osome Waroma 12:2, muje mwaganira kw’ebila bibazo:
-
Hali engangane ochiherhe oku bilolere enyigirizo ze Biblia, wala si, ochili wagangana akaba Abahamirizi ba Yehova banayigiriza obukweri?
-
Akaba ntyo ku bili, gurhe wakajira?
5. Ohime ebibazo byakakubuza kubatizwa
Eyi rhwachihaana emwa Yehova n’okubatizwa, rhweshi rhunahurana ebibazo. Y’obona omufano, ziha EVIDEO, muje mwaganira kw’ebila bibazo.
-
Mw’eyila video, bibazo nyabachi byalihemere Narangerel ahime y’akolera Yehova?
-
Nka gurhe obuzigire bwage ku Yehova bwalimurhabere abihime?
Osome Mezali 29:25 na 2 Timoteo 1:7, muje mwaganira kw’echila chibazo:
-
Bichi binarhuha obushirhu b’okuhima ebibazo?
6. Olangalire oburhabale bwa Yehova
Yehova akurhabala okole ebyamusimisa. Ziha EVIDEO, muje mwaganira kw’ebila bibazo.
-
Nk’oku wabwene omu video, bichi byarhumaga oyula mwanafunzi ayubaha kubatizwa?
-
Bichi ajaga ayiga byamurhabalaga kukomeza obulangalire bwage mu Yehova?
Osome Isaya 41:10, 13, muje mwaganira kw’echila chibazo:
-
Bulagurhe wakachizera oku wayeneza ebilagane wahanire amango m’okuchihaana emwa Yehova?
7. Ogenderere kugwarha eshukrani oku buzigire bwa Yehova
Ok’oli wawaza kangana gurhe Yehova akuzigire, kuwanagwarha eshukrani nene, n’okulonza omukolere esiku n’amango. Osome Zaburi 40:5, muje mwaganira kw’ebila bibazo:
-
Ahanene, migisho ehe ya Yehova onayunva osimire bwenene?
Omulebi Yeremiya alizigire Yehova n’echinwa chage bwenene, analisimire olukengo aligwerhe l’okuyirikwa oku zino lya Yehova. Aderha: “Echinwa chawe chinanderhera busime bunene n’omwishingo g’omurhima, bulala nayirikirwe oku zino lyawe Yehova Mungu we!” (Yeremia 15:16) Shubiza kw’ebila bibazo:
-
Bulagurhe luli lukengo lunene okuba Muhamirizi wa Yehova?
-
Ka wakasima obatizwe n’okuba Muhamirizi wa Yehova?
-
Hali echili chakubuza kujira ntyo si?
-
Bichi owazize wakajira y’ohikira omuhigo g’okubatizwa?
HALI ABANTU BANADERHA: “Indi nayubaha oku nji ntagala kuyeneza byoshi nakalaganya nka namabatizwa.”
-
Intyo ku nawe oli wachiyunva si?
OKU BUGEKE
Kugerera oburhabale bwa Yehova wakahima ebibazo byoshi bili byakubuza kubatizwa.
Rhuchiyibusye
-
Bumenyi bunganachi okwanene kugwarha oku bilolere Ebiblia embere obatizwe?
-
Bichi bikuhemere ohindamule embere obatizwe?
-
Bulagurhe orhakwanene kuyemera obuba bukubuze kubatizwa?
EYINDI MYAZI
Lola eby’omuntu akwanene kuwazako embere arhole esimikiro y’okubatizwa.
“Oli Tayari Kubatizwa Si?” (Omunara g’Omulanzi, Mwezi gwa 3, 2020)
Lola nka gurhe wakahima ebibazo byakakubuza kubatizwa.
“Bichi Bimbuzize Kubatizwa?” (Omunara g’Omulanzi, Mwezi gwa 3, 2019)
Lola bichi byarhabalaga mulume muguma waliri walwisa ebibazo bikomere byaliri byamubuza kubatizwa.
Burhanzi, omulume oyirikirwe Ataa, aliri atintima kubatizwa, lola echajaga chimurhabala ajire echola chintu ch’akamaro bwenene..
