Buli muntu ajira okw’asima kuyambala n’okuchipamba. Hali amakanuni me Biblia marhakomere rhwakakulikira, rhwanagala kuchishoga emishangi yerhu bwinja rhunasimise Yehova. Leka rhulole maguma mumo.

1. Makanuni mahe makarhuyerekeza amango rhwamachishoga emishangi n’okuntu rhwachipamba?

Rhukwanene rhuchishoge “emishangi ekwanene oku lugero n’obwenge burhulerere,” n’okuchihangana amango moshi rhubonekane okuntu kuyerekene “obushwekerezi bwerhu ku Mungu.” (1 Timoteo 2:9, 10) Rhuwaze ku makanuni mane: 1) Emishangi “ekwanene.” Nk’oku wachibwenere oku mbuganano, Abahamirizi ba Yehova barhachishoga kuguma, aliko emiyambalire yerhu n’okuntu rhunachipamba kunayerekana obukenge rhuherhe ku Mungu. 2) Okuyambala “n’olugero” k’okuderha k’okuntu rhubonekene kurhakwanene kulerhera abandi enyorha y’echijiro ch’obuhya, erhanakwanene kurhuma abandi bagwarha amawazo mabi ku rhwewe. 3) Okugwarha “obwenge burhulerere” k’okuderha oku rhurhayinja rhwachipamba n’okukulikirana buli myambaro yanaharere. 4) Esiku zoshi okuntu rhubonekene kukwanene kuyerekane “obushwekrezi bweru ku Mungu,” n’okumenyesa abandi oku rhunaharamya Mungu w’okuli.​—1 Wakorinto 10:31.

2. Bulagurhe rhukwanene rhuwaze ku bene-berhu na bali-berhu embere rhuchishoge ebirhwayambala?

Chiro akaba oku rhuherhe obuhuru b’okuchishoga ebi rhwayambala, rhukwanene rhuyibuke k’okuntu rhubonekene chakaba chibazo oku bandi. Rhunalwisa okwerhu koshi rhurhakwazaga omuntu, s’ahubwe, “rhusimise omuturanyi [werhu] omu kuntu achiyunve bwinja, omu kumuyumbaka.”​—Osome Waroma 15:1, 2.

3. Nka gurhe obulyo rhubonekene kwakakulula abandi omu buharamye b’okuli?

Chiro akaba oku rhunachihangana kuyambala bwinja mu buli hali, eyi rhwaja oku mbuganano n’oku mahubira rhwanaja rhwakozaho. Rhurhakasima abantu bakafundi yunva oburhumwa yi rwababwira bulala bahugisizwe n’okuntu rhuyambere. Ahubwe, okuntu rhubonekene kwakarhuma abandi basimiswa n’obukweri kandi ‘kunapamba enyigirizo z’omuchunguzi werhu.’​—Tito 2:10.

 HUMBA BWENENE

4. Okuntu rhubonekene kunayerekana oku rhukengere Yehova

Mpanvu ehe nkulu erhumire rhukwanene rhulage n’okuntu rhwabonekana? Osome Zaburi 47:2, muje mwagnira k’webila bibazo:

• Nka gurhe okuyibuka oku rhuli barhumwa ba Yehova kukwanene kuhume oku miyambalire yerhu?

• K’owazize oku bili by’engenzi rhulagirire okuntu rhwabonekana omango rhwamaja oku mbuganano n’omu mahubiri? Akaba nechi bulagurhe, n’akaba nanga bulagurhe?

 5 Okuchishoga bwinja oku bilolere emyambaro n’okuchipamba

Ziha EVIDEO.

Chiro akaba emyambaro yerhu eli ya furanga zigeke changwa zinene, ekwanene kuyorha echere enakwanene ehali rhwakaba rhulimo. Osome 1 Wakorinto 10:24 na 1 Timoteo 2:9, 10. Muje mwaganira bulagurhe rhurhakwanene kuyambala emishangi . . .

• y’ebishemberere changwa erhapangirwe bwinja.

• erhunanirire, echapire omubiri, awo eyakalerhera abandi enyifinjo y’echijiro ch’obuhya.

Chiro akaba kw’Abakristu barhachili eshishi w’esheria ya Musa, aliko yakarhuyereka amawazo ma Yehova. Osome Kumbukumbu 22:5, muje mwaganira kw’echila chibazo:

• Bulagurhe rhurhakwanene kuyambala changwa kuchipamba omu bulyo bwakarhuma omulume aba nka mukazi n’omukazi akaba nka mulume?

Osome 1 Wakorinto 10:32, 33 na 1 Yohana 2:15, 16, muje mwaganira kw’ebila bibazo:

• Bulagurhe rhukwanene kulola akaba emishangi yerhu erhali yakwaza abandi omu chibaga awo aharhulamire?

• Gurhe abantu bazigana kuyambala n’okuchipamba ah’olamire?

• Owazize oku hali miguma mw’eyo miyambalire erhakwanene oku Mukristu si? Akaba nechi bulagurhe, n’akaba nanga bulagurhe?

 OKU BUGEKE

Amango rhwamachishoga bwinja okuntu rhwayambala n’okuchipamba, rhwanayereka Yehova obukenge, n’abandi bantu.

Rhuchiyibusye

• Bulagurhe Yehova analaga n’okuntu rhunayambala n’okuchipamba?

• Makanuni mahe maguma makarhuyerekeza amango rhwamachishoga okuntu rhwayambala n’okuchipamba?

• Nka gurhe okuntu rhubonekene kwakarhuma abandi basimiswa n’obuharamye b’okuli?