“Mungu nj’ashangula emiziga yoshi oku mesho mabo, n’olufu nji lurhachiba ho, endulu, emishibo n’amalumwa nji birhachiba ho.” ​—Ufunuo 21:3, 4, Tafsiri ya Ulimwengu Mupya.

Wanamenya oku Mungu arhali yena rhulerhera amalibuko.​—Yakobo 1:13.

Wanasima oku Mungu anarhu hangayikira omu malibuko.​—Zekaria 2:8.

Wanasima okw’amalibuko moshi nji mahwa.​—Zaburi 37:9-11.

Nechi, hali empanvu ebiri:

• Mungu arhasima amalibuko n’omulyagane. Owaze oku Yehova Mungu aliri achiyunva amango abantu bage ba mira baliri balibuzwa n’abandi. Ebiblia ederhere oku ali lumirwe omu murhima bwenene okubona ‘okuntu baliri balibuza abantu bage.’​—Waamuzi 2:18, Tafsiri ya Ulimwengu Mupya.

  Mungu arhasima abantu banatesa abandi. Omufano, Ebiblia ederhere okw’anagaya ‘amaboko manashesha eshagama yabarhagwerhe gosa.’​—Mezali 6:16, 17.

• Mungu alagire ku ngasi muguma werhu. Bili by’okuli oku ngasi muntu ayinji ‘ebibazo byage n’amalumwa mage,’ aliko bisimisize okumenya oku Yehova naye abiyinji kulusha!​—2 Mambo ya Nyakati 6:29, 30.

  Yehova amala amalibuko ma ngasi muntu kugerera Obwami bwage. (Matayo 6:9, 10) Embere ebyola bibe, yagwasa boshi bali bamushonda n’omurhima goshi.​—Matendo 17:27; 2 Wakorinto 1:3, 4.