MUYORHE EYI MUMENYERE EBILI BYABA!
2022: Mwaka Guyunjwire Ebibazo—Bichi e Biblia Ebiderhereko?
Omu mwaka gwa 2022, buli mango rhwaliri rhwayunva emyazi oku bilolere Evita, ebibazo by’okupata efuranga n’ebinjira bilerherwe n’ehali ye hewa. E Biblia yonyine y’efasiriye bichi ebila byoshi biyerekene.
Eby’ebyabere omu mwaka gwa 2022 bichi biyerekene kanuni
Ebyabere omu mwaka gugerere biyerekene oku rhulamire omu chihe e Biblia eyirikire “siku zizinda.” (2 Timoteo 3:1) Echola chihe charhonderaga omu mwaka gwa 1914. Lola okuntu ebichizindire gera bipatene n’ebye Biblia yabaga yalebere oku bilolere esiku zerhu:
“Amavita.”—Matayo 24:6.
“Omu mwaka gwa 2022 Evita Liyubahirize Lyashubire Kuba omu Bulaya.” a
Olole omwazi “E Russie Yarherere e Ukraine.”
“Echibula ch‘ebilyo.”—Matayo 24:7.
“2022: Mwaka gw’Enzara Erhasaga Kubaho.” b
Olole omwazi “Evita lye Ukraine Lyarhumire Ebilyo Byabula omu Gulu Lyoshi.”
“Amalwala m’okuyahukira.”—Luka 21:11.
“Amalwala m’epoliyo, obusheru n’EKORONA magenderere kulibuza abantu, ebyola byoshi biyerekene oku mali malwala mayubahirize, makanayahukira na kangana gurhe abantu bali bazamba.” c
Olole omwazi “Miliyoni 6 y’Abantu Yafire n’Ekorona.”
“Ebintu biyubahisize.”—Luka 21:11.
“Echuka chikabizye, echanda chikalihire, oluhira l’omu mizirhu, n’obuhindule. Kweri rhurhakayibagira echuka chikabizye ch’omu 2022 chaharibise ehali y‘ehewa charhumire amamiliyoni m’abantu bafa, nokurhuma amamiliyoni m’abantu babunga omu gulu lyoshi.” d
Olole omwazi “Echuka Chakabizye oku Gulu Lyoshi.”
“Entambala.”—Luka 21:9.
“Bulala abantu bagayire bwenene eju y’ebibazo by’okubula efuranga, n’ebilyo okupanda ebeyi, bachihenwire n’okupinga oburhegesi omu mwaka gwa 2022.” e
Olole omwazi “Ebeyi ly’Ebintu Lyapandire Bwenene omu Gulu Lyoshi.”
Bichi byarhengerera omu mwaka gwakulikiraho?
Nta muntu omenye kanuni bichi byarhengerera omu 2023. Echirhumenyere ali oku hano hofi Obwami bwa Mungu, changwa e guvernema y’embingu nji yakwiza bintu binene oku gulu. (Danieli 2:44) Eyola guvernema nji yakula byoshi binalibuza abantu n’okukola obulonza bwa Mungu oku gulu.—Matayo 6:9, 10.
Rhukuhirire omurhima okulikire ehano lya Yesu Kristu “ogenderere kuba masu” obone okuntu ebili byagera omu gulu zene bili byayeneza obulebi bwe Biblia. (Marko 13:37) Rhukuhemere orhuderhese akaba olonzeze kumenya binene oku bilolere okuntu e Biblia yakakurhabala n’okuntu yakakuha obunihire bwinja bw’amango mayinjire woyo n’omulala gwawe.
a AP News, “Omu mwaka gwa 2022 Evita Liyubahisize Lyashubire Kuba omu Bulaya,” binwa bya Jill Lawless, Siku 8, Mwezi gwe 12, 2022.
b Programme Allimentaire Mondiale, (Sosiyete y’Okulwisa Enzara omu Gulu) “Echibula ch’Ebilyo omu Gulu Lyoshi.”
c JAMA Health Forum, “Okulama omu chihe ch’amalwala m’okuyahukira—kuhwanziza oku KORONA kugera oku Busheru, e Poliyo n’amandi Malwala,” binwa bya Lawrence O. Gostin, JD, Siku 22, Mwezi gwa 9, 2022.
d Earth.Org, “Bichi byarhumaga Echuka Chikabizye chava chiluga bwenene omu 2022?” binwa bya Martina Igini, Siku 24, Mwezi gwe 10, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.