Nk’oku byabonekene bwinja bwinja omu vita lye Ukraine, bakulu banene b’amadini m’echikristu bashigikire evita bwenene. Tala mifano miguma eyerekene kangana gurhe buli baguma bashigikire lunda lulebe omu ntambala:

•   “Rhuhaanire olukengo lunene rhunaderhere koko oku basoda berhu bali balwisa abali barhuhambarira omu budaka bwe Ukraine rhwaburhwagamo, . . . Emirhima yerhu eli haguma n’enyu, yi rhwabasalilira, rhwanagenderera kubashigikira.”—Metropolite Epiphane I we Kyiv, nk’oku byayerekanwaga Siku 16, Mwezi gwa 3, omu The Jerusalem Post.

•   “Omukulu w’Akanisa k’Abaortodogse ke Russie alijirire emisa y’okugisha abasoda be Russie Lwamungu, ababwira oku bachihanganage kulwira echihugo chabo ‘bowe nka banyarisi nk’oku bakagala koshi’ amango moshi e Moscou eli yagendereza Evita omu Ukraine.”—Reuters, Siku 3, Mwezi gwa 4, 2022.

 Abakristu, bakwanene kuchihira ku lunda lulebe omu vita si? Bichi Ebiblia ederhere?

 Ebiblia eyerekene oku balala banakulikira Yesu omu kuli barhakwanene kuchihira omu vita.

•   “Galula engorho yawe oku fasi yayo, bulala balala boshi banafarhirana engorho nji bayirhwa n’engorho.”—Matayo 26:52.

   Omuntu onashigikira changwa onaja kulwa evita, kweri si akaba ey’akengere ebila binwa bya Yesu?

•   “Namabaha erhegeko lihyahya, oku muzigirane buli muguma n’owindi; nka kulala nani nabazigire, nenyu muzigirane buli muguma n’owindi. Ahola abantu boshi bamenya oku muli banafunzi bani: Akaba muherhene k’obuzigire”—Yohana 13:34, 35.

   Omuntu onashigikira entambala, akaba eyi ali ayerekana obuzigire buli nk’obula Yesu aderhaga ku b’obukwanene kuyerekana abanafunzi bage, changwa enkulikizi zage si?

 Y’omenya binene, osome omwazi“Je, Ukristo Unaunga Mkono Vita?” (Abakristu, Bali Bashigikira Evita Si?)

 Hali mpanvu zinja zakarhuma Abakristu barhachihira omu by’evita mu ganola mango si? Nechi. Ebiblia yalilebere ku muzinola siku zerhu, echihe chiyirikirwe “siku z’obuzinda,” hakabere abantu barhengere omu mashanja moshi barhakayemerere ‘bashuba kuyiga evita,’ omu kukulikiza enyigirizo za Yes.—Isaya 2:2, 4.

•   Y’omenya binene osome emyazi y’enkulikirane y’omu Munara g’Omulanzi ederhere “Mungu Anaona Vita Namna Gani?” (Gurhe Mungu Anabona Evita?).

 Hano hofi Yehova, a “Mungu w’omurhula,” akolesa oburhegesi bwage b’omu mbingu omu kuchungula abantu “ku balala bali babarhindibuza n’okubalibuza.”—Wafilipi 4:9; Zaburi 72:14.

•   Y’obona nka gurhe, olole evideo Obwami bwa Mungu Bili Bichi?