Omu gulu lyoshi, evita lyagenderere kubihya bintu binene, n’okulerha malibuko manene. Lola eyila raporo ekulikire:

•   “Oluganjo lw’abantu bachizindire kufa eju y’evita ahanene bwenene omu chihugo che Ukraine n’omu Ethiopie, luli lunene bwenene kulusha eyindi myaka yoshi kurhenga omu mwaka gwa 1994.”—Institut de recherche sur la paix d’Oslo, Siku 7 Mwezi gwa 6, 2023.

•   “Evita ly’omu Ukraine lili liguma omu mavita makomere bwenene mahwanzaga omu mwaka gwa 2022. Oku bunene, obubandi burhengerere n’ebye politike bwachiyongerere omu gulu lyoshi kugera ku 27% kulusha omu mwaka gugerere, hofi bantu bagerere ku muliyare 1.7 bapatirwe n’engaruka zibi z’obola bubandi.”—Le projet de données sur la localisation et les événements des conflits armés (ACLED), Siku 8 Mwezi gwa 2, 2023.

 Ebiblia erhuhere obunihire. Ederhere ntya: “Mungu w’embingu nj’ashimika Obwami burhakaharabiswa haba n’akatyu.” (Danieli 2:44) M’obola Bwami, changwa oburhegesi, Mungu “nj’amala amavita moshi oku gulu.”—Zaburi 46:9.