Presida we Banke y’Egulu Lyoshi aderhere ntya omu raporo yage y’Omwezi gwa 6 mu gonola mwaka gwa 2022: “Kandi obukungu (ecomonie) bw’egulu bwashubire kubiha bwenene. Amabeyi b’ebintu by’ochuruzi n’ebitansi byoshi yibyapanda juba-juba, mw’ako kasanzi kan’ako, abantu bagwerhe olufuranga lugeke bwenene l’okukolesa.”

 “Ebeyi ly’e esanse na muzuti n’ely’ebilyo liri lyapanda juba-juba, n’ebyola byahumire bwenene oku bantu balamire omu bihugo bikenere,” intyo kwe Fonds Monétaire International nayo y’ayerekene.

 Ebiblia erhurhabere rhumenye bulagurhe rhuli rhwahurana n’echibula ch’ebilyo n’okubula efuranga, gurhe rhwakalwisa echola chibazo, na bulangalire buhe erhuhere b’okubimala loshi.

•   Ebiblia ehamagere chinola chihe rhulamiremo “chihe ch’obuzinda.”​—2 Timoteo 3:1.

•   Yesu alilebere oku nji haba “ebintu biyubahisize,” changwa ebintu biyubahisize byakarhengerere mu chinola chihe. (Luka 21:11)Abantu banayunva bayubahire bwenene amango ebeyi ly’ebintu lyamapanda bwenene. Abantu bali bayubaha oku bilolere amango mayinjire n’okuchibaza akaba bagala kuhahira emilala yabo.

•   Echitabu cha Ufunuo chabaga chaderhere oku ebeyi ly’ebilyo lyakapandire bwenene mu m’anola mango. “Nayunva echintu chili nka mulenge . . . Gwaderha, ‘Mulengo muguma gw’engano gugule dinari nguma (omushahara g’olusiku loshi)!.’”​—Ufunuo 6:6.

 Y’omenya binene oku bilolere “esiku z’obuzinda” n’obulebi buli omu chitabu cha Ufunuo, olole evideo Dunia Imebadilika Tangu 1914 (Egulu Lyahindamukire Kurhenga Mwaka gwa 1914), “Wale Wapanda-Farasi Ine​—Ni Nani?” (Balume Bane Bali Batembeza Efarasi—Bali Bande?)

•   “Nji bayumbaka enju banazilamemo, nji basima emizabibu banalye amalehe mayo. Nji barhayumbaka mp’owindi ye yilamagemo, nji barhahinga mpu abandi babilye. Bulala esiku z’abantu bani nji zaba nka siku z’omurhi, n’abanachishogere nji badodosa ebibakolaga​—Isaya 65:21, 22.

•   “Nji haba embeke zinene oku gulu; inji zafulagira oku masongi m’emisozi. Amalehe mayo nji mashishagira kuguma n’omu Lebanoni, n’abantu b’omu vile nji bashisha nka byasi by’oku gulu.”​—Zaburi 72:16.

•   “Bulala balala balibukire bali barhindibuzwa, bulala abakene bali balaka na mugayo gunene, nayumanga,’ ntyo ku Yehova ku aderhere.”​—Zaburi 12:5. a

 Hanola hofi Mungu amala echibazo chilolere obukungu bw’egulu buli bwasharha, arhajira ntyo hantu haguma si ajira ntyo oku gulu lyoshi. Y’omenya nka gurhe nj’ajira ntyo, osome omwazi “Ka Byakashoboka Obukungu bwe Gulu Bugabanwe Kangana-ngana?”

 Aliko chiro na zene, Ebiblia yakarhurhabala kulwisa echola chizo ch’okupanda kw’ebeyi ly’ebintu. Nka gurhe? Egwerhe amahano makamaro oku bilolere okuntu rhwakakolesa bwinja olufuranga rhugwerhe. (Mezali 23:4, 5; Muhubiri 7:12) Y’omenya binene, osome omwazi “Jinsi ya Kuishi Ukiwa na Pesa Kidogo” (Okuntu Wakalama na Lufuranga Lugeke).