Omu maboso mageke mayinjire, abantu bachishoga abarhegesi (bajira evote) omu bihungo bilengene omu gulu lyoshi. Abantu yi barhola esimikiro z’akamaro oku bilolere abarhegesi bachishoga.

 Bichi Ebiblia ebiderhereko?

 Ebiblia ederhere oku bilolere emipaka abarhegesi boshi b’abantu bagwerhe.

•   “Mumenye mwalangalira abarhwali changwa mwene-omuntu, orhakachungula. Omuuka gwage gwanarhenga, anagaluka omu budaka; olo lusiku l’onolola amwazo mage manahirigirha.”—Zaburi 146:3, 4, amahugulo m’eshishi.

 Chiro n’abarhegesi benja banahikira amango bafa. Oku bwindi, barhakanagala kurhuyemeza oku abanjirhegeka enyuma wabo nji bagendereza ebintu binja baliri bajira.—Muhubiri 2:18, 19.

 Obukweri b’obunola: Ebiblia eyerekene oku abantu barhalemwaga haba n’akatyu chiro mpu yi bachirhegeka bonyine.

•   “Omuntu onalambagira arhagwerhe obuhashe b’okuyerekeza entambu zage.”—Yeremia 10:23.

 Ka hali omuntu wakarhegeka bwinja zene?

 Ebiblia eyerekene oku Mungu ashimikire omurhegesi mwinja bwenene kulusha boshi eyirhwakanachizera, Yesu Kristu. (Zaburi 2:6) Yesu ali Mwami w’Obwami bwa Mungu, k’okuderha, oburhegesi buli bwarhambula bunali omu mbingu.—Matayo 6:10.

 Wachishoga kuyemera oburhegesi bwa Yesu si? Ebiblia eyerekene bulagurhe echola chibazo chili ch’akamaro:

•   “Muhereze omugala [Yesu Kristu] olukengo, akaba murhajirire ntyo, Mungu ayunva oburhe bwenene nenyu mwalimbulwa, bulala oburhe bwage bunakaliha juba-juba. Abagwerhe obusime bali balala banamulibirhira Yewe.”—Zaburi 2:12.

 Kanola ka kasanzi k’okuchishoga. Obulebi bwe Biblia buyerekene oku Yesu ahwanzaga kurhambula omu omwaka gwa 1914 na hanola hofi-hofi Obwami bwa Mungu bwagombola amarhegesi moshi m’abantu.—Danieli 2:44.

 Y’omenya binene oku bilolere okuntu wakashigikira oburhegesi bwa Yesu, osome omwazi “Chagua Kuunga Mukono Ufalme wa Mungu Leo!” (Ochishoge Kuchigikira Obwami bwa Mungu Zene).