MUYORHE EYI MUMENYERE EBILI BYABA!
Evita lye Ukraine Lyarhumire Ebilyo Byabula omu Gulu Lyoshi
Siku 19, Mwezi gwa 5, 2022, kugerera abakulu balengerere barhalukire 75, Echigabi ch’Obuguma bw’Amashanja Chilolere Obulanzi, (Conseil de Sécurité de Nations Unies) chamenyeswa oku “obula bulwala bw’Ekorona (COVID-19) n’okuhindamuka kw’ebihe byalerhere nzara nene omu gulu, n’eju y’evita lili omu Ukraine enzara yashuba kuluga bwenene omu maeneo maguma omu gulu.” Enyuma w’aho, egazeti The Economist lyaderha oku “eju y’evita, elila gulu ligwerhe bibazo binene zene, lyashuba gwarha bantu banene bwenene bali nzara.” Ebiblia yabaga yalebere echibula ch’ebilyo changwa enzara eli yarhengerera mu chino chihe cherhu, aliko erhurhabere rhumenye gurhe rhwakalwisa echola chibazo.
Ebiblia yalilebere echila chibula ch’ebilyo
Yesu alilebere: “Bulala eshanja nji lyazuka lyanalwisa eshanja n’obwami bwanalwisa obwami, kandi nji haba echibula ch’ebilyo n’emisisi hantu oku handi.”—Matayo 24:7.
Echitabu cha Ufunuo chiderhere oku bilolere balume bane b’omufano bali batembeza efarasi. Muguma bw’abola balume bali batembeza efarasi ashushanyize evita. Owindi omukulikire ashushanyize enzara, k’okuderha, amango byakakomerere abantu okupata akalyo, n’amango abantu bakaguzize ebilyo oku beyi livire lyakabya. Entumwa Yohana aderha ntya: “Nabona efarasi y’omukara, n’owaliyiyikereko aligwerhe omunzani omu fune. Nayunva echintu chili nka mulenge . . . Gwaderha, ‘Mulengo muguma gw’engano gugule dinari nguma (omushahara g’olusiku loshi)! Milengo esharhu y’obulezi nayo egule dinari nguma.’”—Ufunuo 6:5, 6, Tafsiri ya Ulimwengu Mupya.
Obulebi bw’Ebiblia oku bilolere echibula ch’ebilyo buli bwayenera zene mu kanola kasanzi Ebiblia eyirikire “siku z’obuzinda.” (2 Timoteo 3:1) Y’omenya binene oku bilolere “esiku z’obuzinda” na balume bane bali batembeza efarasi baganirirwe omu Ufunuo, olole evideo Ulimwengu Umebadilika Tangu Mwaka wa 1914 (Egulu Lyahindamukire Kurhenga Mwaka gwa 1914), osome n’omwazi “Wale Wapanda-Farasi Ine—Ni Nani?” (Balume Bane Bali Batembeza Efarasi—Bali Bande?)
Nka Gurhe Ebiblia Yakakurhabala
Ebiblia egwerhe amahano menja makakurhabala ohime ebibazo, kuhebamo n’echibazo ch’okupanda bwenene kw’ebeyi ly’ebilyo changwa chiro n’echibula ch’ebilyo. Wabona mifano miguma omu mwazi “Namna ya Kuishi na Pesa Kidogo” (Okuntu Wakalama na Lufuranga Lugeke).
Kandi Ebiblia erhuhere obunihire oku ebintu byaba binja. Elaganyize akasanzi amango “embeke . . . inji zafulagira (zaba zinene bwenene) oku masongi m’emisozi” na buli muntu nj’apata ebilyo binene by’okulya. (Zaburi 72:16) Y’omenya binene oku bilolere obunihire bw’Ebiblia bw’amango mayinjire na bulagurhe okwanene kubunihira, osome omwazi “Tumaini Bora la Wakati Ujao” (Obulangalire Bwinja Bwenene bw’Amango Mayinjire).