MUYORHE EYI MUMENYERE EBILI BYABA!
Echuka Chakabizye oku Gulu Lyoshi—Bichi Ebiblia Ebiderhereko?
Omu mwezi gwa 7, 2022, echuka chagenderere kuchubusya olugero omu gulu lyoshi:
“Abakulu be Chine bahaanire omukonge gwa kabiri mu gunola mwezi, kw’echuka chagenderera kuluga kukabya mu vile 70 zoshi z’echihugo.”—Siku 25, Mwezi gwa 7, 2022, CNN Wire Service.
“Bulala echuka chikabizye yi chagenderera kuluga omu Bulaya, ebihugo binene yi byagera m’oluhira l’omu mizirhu”—Siku 17, Mwezi gwa 7, 2022, The Guardian.
“Lwamungu haliri echuka chirhashubiraga kubaho omu vile zoshi ze Etats-Unis, n’echanda chalerhere echuka chikabizye echamashinji choshi ch’engambo z’emashoshokero, kugenderera engambo z’eside.”—Siku 24, Mwezi gwa 7, 2022, The New York Times.
Bichi ebila byoshi biyerekene? Bishushire kw’egulu lyazinda lyanaba fasi abantu bakalama si? Bichi Ebiblia ebiderhereko?
Echila chuka chikalihire ntya yi chayeneza obulebi bwe Biblia si?
Nechi. Echuka chikalihire oku gulu lyoshi chili chayeneza ebye Biblia yabaga yaderhere bikwanene kuba mu zinola siku zerhu. Omufano, Yesu alilebere oku rhwakabwene “ebintu biyubahisize” changwa ebintu bisomeze byakashalamya. (Luka 21:11) Echila chuka chili chagenderera kuluguka yi chayubahisa bantu banene, banabona kw’ebya bantu bali bakola byarhuma byakomera okulama oku gulu.
Egulu lyagera amango eyi nta muntu wakachililamako si?
Nanga. Mungu alemaga egulu y’apangire kw’abantu balilamako esiku n’amango. (Zaburi 115:16; Muhubiri 1:4) Arhayemerera abantu baharabisye egulu, s’ahubwe alagaganyize ‘kw’aharabisya abali baharabisya egulu.’—Ufunuo 11:18.
Ba nka wawaza k’obula bulebi buyerekene ebi Mungu arhulaganyize:
“Erungu n’echihugo ch’oku gasi nji byachishinga, erungu lilambukire nji lyashagaluka n’okuyasa amauwa mali nka masafra.” (Isaya 35:1) K’okuderha ku Mungu arhayemera egulu libe rungu lyonene lirhakashobokana okulamako, s’akwiza efasi zoshi zabihire kulyo.
“Woyo onashishishikala egulu, wanalijira liyere bwenene n’okulichiza loshi.” (Zaburi 65:9) Kugerera emigisho ya Mungu, ahindamula egulu libe paradizo.
Y’omenya binene biyerekene nka gurhe okuhindamuka kw’ehali y’ehewa kuli kwayeneza obulebi bwe Biblia, osome omwazi “Biblia Inasema Nini juu ya Mabadiliko ya Hali ya Hewa na Wakati Wetu Wenye Kuya?” (Bichi Ebiblia Ederhere oku Bilolere Okuhindamuka kwe Hali ye Hewa, n’Amango Merhu Mayinjire?)
Y’omenya binene oku bye Biblia elaganyize oku bilolere okuntu ehali y’ehewa nji yashuba kukwizwa oku gulu, olole omwazi “Ni Nani Atakayeiokoa Dunia?” (Nde nji Wayokola Egulu si Berhu?)